१० हजार मेगावाट बिजुली भारत निर्यात गर्ने कुरा राष्ट्रघाती हुँदैन: पर्यटनमन्त्री

२१ पुस, काठमाडौं । संस्कृति, पर्यटन तथा नागरिक उडड्यनमन्त्री सुदन किराँतीले नेपाल र भारतबीच भएको सम्झौता मुलुकको आर्थिक विकासका निम्ति महत्वपूर्ण रहेको भन्दै राष्ट्रवादका नाममा जे कुरामा पनि विरोध गर्नुको अर्थ नहुने बताएका छन् । 

शनिबार काठमाडौंमा आयोजित एक कार्यक्रममा उनले आउँदो १० वर्षमा १० हजार मेगावाट बिजुली भारत निर्यात गर्ने सम्बन्धी सम्झौताले मुलुकको आर्थिक सम्भावनाको ठूलो ढोका खुलेको तर, केही नेताले राष्ट्रवादको नाम दिएर मुलुकको हितमा रहेका कुरालाई विरोध गरेको बताए । 

मन्त्री किरातीले जनताको जीवनस्तर उकास्न साना–साना व्यापार–व्यवसायलाई प्रोत्साहन गर्नुपर्ने भएकाले आफूले त्यसलाई महत्त्वका साथ स्थान दिएको जिकिर गरे । उनले कृषिलाई पर्यटनसँग जोड्न आफूले अधिकतम प्रयास गर्ने पनि बताए ।