प्रमुख राजनीतिक दलहरुले कोर्ष करेक्सन गर्न ढिला भइसकेको छः पूर्वराष्ट्रपति यादव

२१ पुस, काठमाडौं । नेपालका प्रथम राष्ट्रपति रामवरण यादवले प्रमुख राजनीतिक दलहर सरकार चलाउन असमर्थ भएको बताएका छन् । उनले अहिलेको सरकार उचित ढंगबाट चल्न नसकेको र प्रमुख पार्टीहरुले राम्रो काम गर्न नसकेका कारण जनता निरास भएको बताएका छन् । 

कोर्स करेक्सन गरेर दलहरु अगाडी बढ्नुको विकल्प पनि नरहेको उनको भधनाइ छ । शनिबार काठमाडौंमा ‘बीपी वाद’ नामक पुस्तकको लोकार्पण गर्दै प्रथम राष्ट्रपति यादवले प्रजातान्त्रिक संविधान बनेको र मुलुकमा लोकतान्त्रिक संविधान रहेकाले आशावादी हुनुपर्ने धारणा राखे ।

निश्चय नै अहिलेको सरकारले, अहिलेको नेपाली कांग्रेस वा अरु पार्टीहरुले राम्रो गरेनन् । राम्रो गर्नुपर्ने त्यो कुरा सही हो, गर्न सकिरहेका छैनन् । तर हामी एउटा बाटोमा छौं । प्रजातान्त्रिक संविधान छ, जो संविधानले नेपाली जनताको यो देशको अस्तित्व बचाएर अगाडिको बाटो देखाएको छ’ उनले भने ।