फरवार्ड माइक्रोफाइनान्सको २७ पुसमा एजीएम, के के छन एजेण्डा ?

२२ पुस, काठमाडौं । फरवार्ड माइक्रोफाइनान्सले वार्षिक साधारणसभा पुस २७ गते बोलाएको छ । कम्पनीको ११ औं वार्षिक साधारणले लाभांशसम्बन्धी कुनै प्रस्ताव पेस गरेको छैन । सभामा आर्थिक वर्ष २०७९–८० को नाफा नोक्सान सम्बन्धी हिसाबका सम्बन्धमा छलफल हुनेछ ।

आर्थिक वर्ष २०८०–८१ का लागि लेखापरीक्षक नियुक्ति र निजको पारिश्रमिक निर्धारण गर्ने एजेन्डा पनि रहनेछ ।साथै, अन्य उपयुक्त वित्तीय संस्थासँग मर्जरमा जाने तथा एक्विजिशनसम्बन्धि कार्य गर्न तथा बैंकको प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने प्रस्ताव पनि छ । सभा प्रयोजनका लागि कम्पनीले पुस १९ गते बुक क्लोज गरिसकेको छ । सभा दिनेश चौधरी स्मृति प्रतिष्ठानको सभाहल दुहवी, सुनसरीमा बिहान ११ बजेदेखि सुरु हुनेछ ।