४ सीट नपाए पार्टीमा फरक मत राख्ने शेखर पक्षको निर्णय

२२ पुस, काठमाडौं । नेपाली कांग्रेसको शेखर कोइराला पक्षले राष्ट्रिय सभा सदस्य निर्वाचनमा आफ्नो पक्षका ४ जना उम्मेदवार हुनुपर्ने माग अघि सारेको छ । आइतबार विशालनगरमा भएको यो पक्षको भेलाले सत्ता गठबन्धनको भागबन्डामा पार्टीले पाएको १० सिटमध्ये ४ सिटमा आफू पक्षको उम्मेदवार हुनुपर्ने माग राखेको हो । 

यो विषय आइतबार नै बस्ने पार्टीको केन्द्रीय कार्यसम्पादन समितिको बैठकमा राख्ने र सन्तुलित हिसाबले उम्मेदवार चयन नभए निर्णयमा फरक मत राख्ने कोइराला पक्षको निर्णय छ ।  संस्थापन इतर पक्षले यसअघि १४ पुसमा पार्टी केन्द्रीय समितिले तय गरेको मापदण्ड पालना हुनुपर्ने पनि माग गरेको छ ।

केन्द्रीय समितिले भौगोलिक, जातीय, क्षेत्रीय सन्तुलनमा ध्यान दिने, पार्टीमा योगदान दिने, संसदीय क्षेत्रमा योगदान दिने र अहिलेसम्म मौका नपाएकाहरूलाई प्राथमिकता दिने मापदण्ड बनाएको थियो । त्यस विपरीत सभापति देउवा गएको कोइराला पक्षको भनाई छ ।