कागतीको नियमित सेवनले धेरै गम्भीर रोगबाट बच्न सकिन्छ

२३ पुस, काठमाडौं । नेपालको जुनसुकै भेगम प्रायः सहजै पाइने कागती बहुउपयोगी फलफुलहरूमध्ये एक हो । यद्यपि यसलाई फलफुलका रूपमा भन्दापनि सर्वत र अचार बनाउने काममा बढी प्रयोग गरिन्छ । कागतीको  नियमित सेवनले तपाईको स्वास्थ्यलाई धेरै फाइदा पुर्याउन सक्छ । कागती भिटामिन सीका साथै धेरै एन्टिअक्सिडेन्ट, पोटासियम, साइट्रिक एसिड र हाइड्रोक्लोरिक एसिडको पनि राम्रो स्रोत हो ।

यसले तपाईको रोग प्रतिरोधात्मक क्षमता बढाउँछ र तपाईको छाला सुधार गर्दछ । यसका साथै कागतीको नियमित सेवनले धेरै गम्भीर रोगबाट पनि बच्न सकिन्छ । ५–१० रुपैयाँमा पाइने कागतीको नियमित सेवनले तपाईलाई स्वस्थ राख्न सक्छ र औषधिको लागत पनि बचाउन सक्छ ।

१. शरीरको रोग प्रतिरोधात्मक क्षमता बढाउन मद्दत गर्छ ।
कागतीमा भिटामिन सी प्रचुर मात्रामा पाइन्छ । भिटामिन सी एक पोषक तत्व हो जसले हाम्रो शरीरको रोग प्रतिरोधात्मक क्षमता बढाउँछ । यसबाहेक भिटामिन सीले शरीरमा सेतो रक्त कोशिकाको उत्पादन बढाउन मद्दत गर्छ, जसले शरीरलाई संक्रमण र रोगबाट बचाउँछ ।

२. छालाको चमक बढाउछ
कागतीमा एन्टिअक्सिडेन्ट गुण प्रशस्त हुन्छ । यस कारणले हाम्रो छालाको चमक बढाउन पनि यसले महत्त्वपूर्ण भूमिका खेल्छ । यदि तपाई नियमित रूपमा कागती सेवन गर्नुहुन्छ भने, तपाईलाई कम महँगो कस्मेटिक उत्पादनहरू चाहिन्छ ।
यसका लागि एक गिलास पानीमा कागतीको रस मिसाएर पिउनुपर्छ । यदि तपाई यसलाई लगातार सेवन गर्नुहुन्छ भने, तपाईको छाला केहि दिन भित्र चम्किलो हुनेछ ।

३. रगतमा चिनीको मात्रा नियन्त्रणमा राख्छ
बजारमा पाइने उच्च चिनीको मात्रा भएका जुस र पेय पदार्थहरूको लागि कागतीको पानीलाई राम्रो र स्वस्थ्य विकल्प मानिन्छ । विशेष गरी मधुमेह रोगीहरुको लागी यसले चिनीलाई महत्वपूर्ण स्तरमा पुग्नबाट रोक्छ र शरीरलाई रिहाइड्रेट गर्छ ।

४. कब्जियतको समस्या हटाउँछ
यदि तपाईलाई कब्जियतको समस्या छ भने कागती पानी तपाईको लागि निकै फाइदाजनक साबित हुन सक्छ । दैनिक बिहान र दिनभरि एक गिलास मनतातो पानीमा कागतीको रस मिसाएर पिउँदा पनि कब्जियतबाट राहत मिल्छ ।

क्यान्सरबाट बचाउँछ
एन्डिअक्सिडियन्ट र भिटामिन सीयुक्त कागतीले शरिरमा अनावश्यक तत्वहरुलाई नष्ट गर्न र क्यान्सरको खतराबाट बचाउछ ।

स्वस्थ शरीर
कागती पानीमा पर्याप्त पोटासियम हुन्छ जसले दिमागलाई स्वस्थ राखनुका साथै रक्तचापलाई नियन्त्रणमा राख्छ ।

ताजा सास
सुक्ष्मजीवाणू बिरोधी तत्व रहेको कागतीलाई पानीमा निचोरेर खाँदा तपाईको श्वासको दुर्गन्ध हटाउनुका साथै मुखमा हुने रोग लाग्नबाट बचाउँछ ।

दिनहुँ कागती पानी पिउँदा तपाईँको स्वास्थ्यमा अपूर्व परिवर्तन आउँछ । कागती पानीले छालामा चमक ल्याउनेदेखि पेटको रोग समेत निर्मुल गर्छ । कागतीले शरिरमा उर्जा दिने, छुट्टै जोश प्रदान गर्ने र बुढ्यौलीपनबिरुद्ध लड्ने क्षमता राख्छ ।