कालिमाटीमा कुन तरकारीको मूल्य कति छ ?

२३ पुस, काठमाडौं । कालीमाटी फलफूल तथा तरकारी बजार विकास समितिले सोमबार लागि तरकारी तथा फलफूलको मूल्य सार्वजनिक गरेको छ ।

जसअनुसार हरियो अंगुरको न्यूनतम् मूल्य प्रतिकेजी २२०, कालो अंगुर ३२०, केरा १३०, अनार ३००, किवी २५०, एभोकाडो २५०, अमला ७० र अम्बा १०० रूपैयाँमा खरिदबिक्री भइरहेको छ ।

समितिका अनुसार नेपाली ठूलो गोलभेँडा ४०, लोकल सानो गोलभेँडा १०, अदुवा १५०, रातो आलु ३४, रातो भारतीय आलु ३० रूपैयाँमा कारोबार हुँदा स्थानीय काउली २५, कागती १२०, सुकेको खुर्सानी ४८०, हरियो खुर्सानी ७०, अकबरे हरियो खुर्सानी ४५० रूपैयाँ प्रतिकेजी कायम भएको छ ।

लोकल गाजरको न्यूनतम् मूल्य प्रतिकेजी ३५ रूपैयाँमा कारोबार हुँदा लोकल बन्दा ३०, लोकल सेतो मुला र रातो मुला १०, लोकल घिउ सिमी ४०, राजमा घिउ सिमी ८० र हरियो फर्सी लाम्चो २०, डल्लो हरियो फर्सी ३० रूपैयाँमा खरिदबिक्री हुनेछ  भने तोरीको साग ४०, रायो साग ३०, चम्सुर, पालूगो  मेथी र सौफको साग ९० रूपैयाँमा कारोबार हुँदा जिरीको साग ८० रूपैयाँमा कारोबार हुनेछ ।

तराइ परवर १२०, गुन्द्रुक २५०, भारतीय सुकेको प्याज ९०, चाइनिज प्याज ६०, हरियो प्याज ९० र पुदीना २२० रूपैयाँ केजी कायम गरेको कालिमाटी बजारले ब्रोकाउली ५०, चाइनिज सुकेको लसुन २५०, हरियो लसुन ११०, नेपाली सुकेको लसुन २६० रूपैयाँमा कारोबारको अनुमति दिएको छ भने डल्ले भान्टा ४०, लाम्चो भान्टा ४० र हरियो धनियाँ १०० रूपैयाँ पाइने समितले जनाएको छ ।

उता, ताजा छडी माछा २४० रूपैयाँमा कारोबार हुँदा बचुवा माछा २६०, रहु माछा ३६० र मंगुरी माछा ३०० रूपैयाँमा किनबेच भइरहेको छ।