हिमालयन रिइन्स्योरेन्सको पहिलो कारोबार कतिमा खुल्यो ?

२३ पुस, काठमाडौं ।  हिमालयन रिइन्स्योरेन्स लिमिटेडको शेयर कारोबार नेपाल स्टक एक्सचेन्ज (नेप्से) मा सुरु भएको छ । नेप्सेमा ‘एचआरएल’ संकेतमा यसको नियमित शेयर कारोबार हुनेछ ।

सोमबार प्रि-ओपन सेसनमा हिमालयनको पहिलो कारोबार प्रतिकित्ता ३०९.२० रूपैयाँमा सुरु भएको हो । नेप्सेले यसको पहिलो कारोबारका लागि प्रतिकित्ता १०३.०७ रूपैयाँदेखि ३०९.२१ रूपैयाँसम्म ओपनिङ रेन्ज तोकेको थियो ।

उक्त रेन्जको अधिकतम विन्दुबाट कम्पनीको शेयर कारोबार खुला भएको हो । हिमालयनको चुक्ता पुँजीका आधारमा कायम १० करोड कित्ता शेयर आइतबार सूचीकरण भएको हो ।