सूर्यज्योति लाईफ ईन्स्योरेन्सद्धारा दाबी भुक्तानी

प्रकाश डोटेल

२३ पुस, स्याङ्जा । सूर्यज्योति लाईफ ईन्स्योरेन्स कम्पनी लि. पुतलीबजार शाखाले घातक रोग बिरुद्धको दाबी भुक्तानी गरेको छ ।स्याङ्जाको पुतलीबजार नगरपालिका वडा नं. ११ जैसीडाँडाका कुञ्जन अर्यालको जीवन बीमा गरेको झण्डै ३ वर्षपछि उनकी आमा जमुना आचार्य अर्याललाई स्तन क्यान्सर भएपछि कम्पनीले घातक रोग विरुद्धको दाबी भुक्तानी गरेको हो ।

कम्पनीका पुलतीबजार शाखा प्रमुख सुजन पोखरेलले बीमितकी आमा जमुनालाई ९ लाख ५० हजार ५ सय ७६ रुपैयाँ बराबरको चेक हस्तान्तरण गरेका छन् । आमा जमुनाले छोरा कुञ्जनको १० लाख बराबरको सूर्यज्योति सुनौलो भविश्य बाल जीवन बीमा गरेकी थिईन् ।

बीमितकी आमा जमुनाले ईन्स्योरेन्स कम्पनीले दिएको रकमबाट उपचार खर्चमा सहजता ल्याएको बताइन् । रोग र आर्थिक क्षति विरुद्ध बीमा कम्पनीले पुर्याउने योगदानको कदर गर्दै बीमा अभिकर्ता भएर काम थाल्ने समेत उनले सुनाइन् । 

आमा जमुनाको स्तन क्यान्सर भएपछि उनका पिता ख्यामराज अर्यालले कम्पनीले हालसालै जारी गरेको “सूर्यज्योति सहि प्लान” अन्र्तगत १५ लाख बरारबको आजीवन बीमा गरेका छन् । उक्त बीमा पोलिसी कम्पनीका पुतलीबजार शाखा अप्रेशन विभागका कर्मचारी निशा बस्यालले हस्तान्तरण गरेकी थिइन् । 

झण्डै ३ वर्ष अघिदेखि पुतलीबजार शाखा संचालनमा ल्याएको सूर्यज्योति लाईफ ईन्स्योरेन्स कम्पनीले घातक रोग बिरुद्धको पहिलो दाबी भुक्तानी गरेको छ । कम्पनीको पुतलीबजार शाखामा झण्डै १ हजार जनाले विभिन्न योजनाका जीवन बीमा गरेको शाखाले जनाएको छ ।