जाडोमा शरीरका लागि कत्तिको फाइदा छ सुन्तलाको जुस ?

 

काठमाडौं । सुन्तलाको जुस शरीरका लागि निकै फाइदाजनक हुन्छ । किनभने जुसमा धेरै आवश्यक पोषक तत्वहरू पाइन्छ। सुन्तलामा भिटामिन–ए, भिटामिन–बी, भिटामिन–सी, फाइबर, क्याल्सियम, म्याग्नेसियम, पोटासियम र एन्टिअक्सिडेन्ट प्रशस्त मात्रामा पाइन्छ। जसको सेवनले शरीरलाई धेरै रोगबाट बचाउन मद्दत गर्छ ।  

जाडोका फाइदाहरु

रोग प्रतिरोधात्मक क्षमता बढाउनुहोस्– जाडो मौसममा रोग प्रतिरोधात्मक क्षमता कमजोर हुन्छ । जसका कारण शरीर चाँडै रोगको चपेटामा पर्न थाल्छ । यस्तो अवस्थामा दैनिक एक गिलास सुन्तलाको जुस पिउनु रोग प्रतिरोधात्मक क्षमताका लागि फाइदाजनक हुन्छ । यसमा भिटामिन सी र एन्टिअक्सिडेन्ट प्रचुर मात्रामा पाइन्छ ।

मुटुका लागि राम्रो– जाडोमा कोलेस्ट्रोलको समस्या बढ्ने खतरा हुन्छ । यस्तो अवस्थामा सुन्तलाको जुसको सेवनले उच्च कोलेस्ट्रोल नियन्त्रण गर्न मद्दत गर्छ । यसमा पाइने फाइबरले खराब कोलेस्ट्रोलको स्तरलाई नियन्त्रण गरेर मुटुसम्बन्धी रोगको जोखिमलाई कम गर्छ।

पानीको कमी हटाउँछ – जाडोमा पानी पिउने कम हुन्छ । यसका कारण डिहाइड्रेसन हुने खतरा हुन्छ, जसले कमजोरी, थकान, टाउको दुख्ने र चक्कर लाग्ने जस्ता समस्या निम्त्याउन सक्छ। यस्तो अवस्थामा सुन्तलाको जुस पिउनाले शरीरलाई हाइड्रेटेड राख्छ र उर्जा कायम राख्छ ।

 छालालाई स्वस्थ राख्छ– जाडोमा सुन्तलाको जुसले छालालाई स्वस्थ राख्छ । यसको सेवनले छालामा चमक आउँछ । सुन्तलाको जुसमा पाइने एन्टिअक्सिडेन्टले छालालाई फ्री रेडिकलले हुने क्षतिबाट जोगाउन सक्छ र पिम्पल, दाग र चाउरीपनबाट छुटकारा पाउँछ।

आँखाको लागि फाइदाजनक– जाडोमा आँखाको स्वास्थ्यका लागि सुन्तलाको जुस फाइदाजनक हुन्छ । यसमा पाइने भिटामिन एले आँखालाई स्वस्थ राख्न मद्दत गर्छ । यसको नियमित सेवनले आँखाको ज्योति बढ्छ र आँखाको हरेक समस्या निको हुन्छ ।