शाहरूख खानले अब विशाल भारद्वाजसँग फिल्म बनाउने

२४ पुस, मुम्बइ । बलिउडका बादशाह अर्थात् शाहरुख खानको अन्तिम वर्ष निकै विस्फोटक रह्यो । किङ खानले एकै वर्षमा लगातार ३ हिट फिल्म पठान, जवान र डंकी मार्फत दर्शकलाई मनोरञ्जन दिएका थिए । 

एकैबर्षमा उनी २६ सय करोडको व्यापार गराउन सफल अभिनेताको रूपमा उनको नाम रेकर्ड भइसकेको छ । शाहरुखका फ्यानहरु अहिले उनको अर्को प्रोजेक्टको प्रतीक्षामा छन् ।

यसैबीच, किंग खानले आफ्नो अर्को फिल्मका लागि फिल्म निर्माता विशाल भारद्वाजसँग हात मिलाएको खबर आएको छ । उनको इश्किया, ७ खुन माफ र कमिने चर्चित फिल्म हुन् ।