अफगानिस्तानमा शक्तिशाली भूकम्प, दिल्लीसम्म धक्का महसुस

२६ पुस, काठमाडौं । अफगानिस्तानको हिन्दुकुश क्षेत्रमा बिहीबार दिउँसो २ बजेर २० मिनेटमा शक्तिशाली भूकम्प गएको छ । पाकिस्तानको इस्लामाबाद, रावलपिण्डी र भारतको जम्मु–कश्मीरदेखि दिल्ली–एनसीआरसम्म भूकम्पको धक्का महसुस गरिएको थियो ।

भूकम्पको तीव्रता ६ दशमलव १ मापन गरिएको राष्ट्रिय भूकम्प मापन केन्द्रले जनाएको छ । यसको केन्द्र हिन्दुकुशमा जमिनबाट करिब २२० किलोमिटर तल थियो। हाल कुनै पनि प्रकारको क्षतिको खबर छैन।  यसअघि बुधबार पनि पश्चिमी अफगानिस्तानमा भूकम्पको धक्का महसुस गरिएको थियो ।