नक्कली शरणार्थी प्रकरणको अनुसन्धान राजनीतिक हस्तक्षेपले फितलो भएको ह्युमन राइटको निष्कर्ष
नेपालबहस संवाददाता
पुस २७, २०८० शुक्रबार १४:३०:१९
२७ पुस, काठमाडौं । मानवअधिकारको क्षेत्रमा काम गर्ने 'ह्युमन राइट वाच'ले नक्कली शरणार्थी प्रकरणको अनुसन्धानमा राजनीतिक हस्तक्षेप भएका कारण फितलो सावित भएको बताएको छ । नेपालमा भ्रष्टाचारको आरोपबारे भएका अनुसन्धानमा राजनीतिक हस्तक्षेपका कारण सधैं निष्कर्षमा नपुग्ने गरेको 'ह्युमन राइट वाच'ले बताएको छ ।
'ह्युमन राइट वाच'को वर्ल्ड रिपोर्ट २०२४ को रिपोर्टमा नक्कली भुटानी शरणार्थी बनाएर मानिसहरूलाई अमेरिका पठाउने नेता र कर्मचारीलाई पक्राउ गरेर प्रहरीले असाधारण कदम चालेको भएपनि राजनीतिक हस्तक्षेप भएकाले मुद्दा निष्कर्षमा नपुगेको बताएको छ । राजनीतिक दबावका कारण अनुसन्धान गरिरहेका वरिष्ठ प्रहरी अधिकृतहरूलाई सरुवा गरेको भन्दै उसले भ्रष्टाचारको आरोपबारे भएका अनुसन्धानमा राजनीतिक हस्तक्षेप भए बताएको छ ।
मानवअधिकार उल्लंघनका घटनामा दोष लागेका प्रहरी अधिकारीहरूलाई जवाफदेही नबनाएको वाचको भनाइ छ । हिरासतमा यातना दिएर भएको मृत्यु जस्ता घटनामा छानबिन समिति गठन गर्दै पीडित परिवारलाई क्षतिपूर्ति दिने मात्र काम भएको भन्दै अभियुक्तलाई कानुनी दायरामा ल्याउन नसकेको बताएको छ । वाचले संक्रमणकालीन न्यायसम्बन्धी नयाँ विधेयकका केही पक्ष सकारात्मक भएको उल्लेख गरेको छ ।
विधेयक सही ढंगले संशोधन गरिए यौन हिंसा, कुटपिट तथा अंगभंग र अन्तराष्ट्रिय कानुनविरुद्धकका अमानवीय व्यवहारमा माफी हुनसक्ने ह्युमन राइट वाचले बताएको छ । प्रतिवेदनमा भनिएको छ, ‘यस विधेयकले यस्ता अपराधबारे सबुत प्रमाण जुटाउने विशेष अनुसन्धान इकाई स्थापना गर्न असफल छ । साथै यसमा रहेको हदम्यादको प्रावधानले यौन हिंसा भोगेर बाँचेकाहरुको न्यायसम्म पहुँचलाई अत्यन्तै सीमित गरेको छ ।’
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्रधानमन्त्री ओली बाइडेनद्वारा आयोजित स्वागत समारोहमा सरिक
असोज ११, २०८१ शुक्रबार
परराष्ट्रमन्त्री राणा र राष्ट्रसङ्घीय उपमहासचिवबीच भेट
असोज ११, २०८१ शुक्रबार
विश्वको समस्यासँग जुध्न सहकार्यको खाँचोः मन्त्री राणा
असोज ११, २०८१ शुक्रबार
निर्वाचन आयोगद्वारा स्थानीय तह उपनिर्वाचनको कार्यतालिका सार्वजनिक
असोज १०, २०८१ बिहिबार
कोशी ब्यारेजबाट खसेको बसका सबै यात्रुको उद्धार
असोज १०, २०८१ बिहिबार
आईपीएल टिम कोलकोताको मेन्टर बने ब्राभो
असोज ११, २०८१ शुक्रबार
जबरजस्ती करणी गरेको अभियोगमा पक्राउ
असोज ११, २०८१ शुक्रबार
झरीका कारण काठमाडौंको जनजीवन प्रभावित
असोज ११, २०८१ शुक्रबार
विभिन्न स्थानबाट अवैध लागूऔषधसहित आठ जना पक्राउ
असोज ११, २०८१ शुक्रबार
बीपी राजमार्ग एकतर्फी सञ्चालन
असोज ११, २०८१ शुक्रबार
पहिरोले भीमफेदी, कुलेखानी र फाखेल भएर काठमाडौँ जाने बाटो बन्द
असोज ११, २०८१ शुक्रबार