अमेरिकी नौसेनाको विमान प्रशिक्षणको क्रममा दुर्घटनाग्रस्त, चालक दलका सबै सदस्य बाँच्न सफल

 २८ पुस, क्यालिफोर्निया । अमेरिकी नौ सेनाको हेलिकोप्टर दक्षिणी क्यालिफोर्नियामा दुर्घटनाग्रस्त भएको छ ।  सौभाग्यवश दुर्घटनामा चालक दलका सबै सदस्य बाँच्न सफल भएका छन् ।

अमेरिकी सेनाका प्रवक्ताले यसको पुष्टि गरेका छन् । प्रवक्ताका अनुसार अमेरिकी नौ सेनाको हेलिकोप्टर अघिल्लो  राति दक्षिणी क्यालिफोर्नियामा दुर्घटनामा परेको हो ।

न्युयोर्क पोस्टको रिपोर्टका अनुसार हेलिकोप्टरमा जम्मा ६ जना सवार थिए, जो चमत्कारी ढंगले बाँचेका छन  । अमेरिकी नौ सेना कमाण्डरले भने कि एमएच–६० आर हेलिकोप्टर साँझ ६ः४० बजे दक्षिणी क्यालिफोर्नियामा दुर्घटनामा परेको थियो। हेलिकोप्टर खसेको बेला नियमित प्रशिक्षण भइरहेको थियो ।

सेनाका प्रवक्ताले हेलिकोप्टरमा रहेका चालक दलका सदस्यहरू घाइते भएको तर अहिले उनीहरूको अवस्था खतरामुक्त रहेको बताए । यस सम्बन्धमा अहिलेसम्म थप जानकारी दिइएको छैन । 

घटनास्थलमा अमेरिकी कोस्ट गार्डका कर्मचारीहरू उपस्थित छन् । विभागले अहिले दुर्घटनाको अनुसन्धान गरिरहेको छ । उनले हेलिकोप्टरमा सवार सबै यात्रु सकुशल भागेको र कसैको पनि मृत्यु नभएको बताए ।

यसअघि नोभेम्बरमा पनि प्रशिक्षण अभ्यासका क्रममा अमेरिकी सेनाको हेलिकोप्टर दुर्घटना भएको थियो । उक्त दुर्घटनामा ५ अमेरिकी सैनिकको मृत्यु भएको थियो ।