वालिङ नगरपालिकाका उपप्रमुख कविता तिवारीले गरिन् १५ औं नगरसभा बहिस्कार

२८ पुस, काठमाडौं । वालिङ नगरपालिकाका उपप्रमुख कविता तिवारीले १५ औं नगरसभा बहिष्कार गरेकी छिन् । शनिबार आयोजित नगरसभाको एजेण्डामाथि फरक मत राख्दै उनले नगरसभा बहिष्कार गरेकी हुन् ।

वालिङ नगरपालिकाको शिक्षा ऐन २०७४ को दफा १३ क, दफा १३ घ, दफा १३ २ को संशोधन विधेयक माथि फरक मत राख्दै उनले सभा बहिष्कार गरेकी हुन् । सभाले वालिङ नगर भित्रका सामुदायिक विद्यालय व्यवस्थापन समितिको अध्यक्षमा सम्बन्धित वडाका अध्यक्ष पदेन हुने प्रस्ताव पारित गरिएको छ । 

उनले आजको सभा बहिष्कार गरेको नेपालबहसलाई जानकारी दिइन् । आजको बहिष्कार बारे छिट्टै पत्रकार सम्मेलन गर्ने समेत बताइन् ।

साथै आज बसेको सभाले स्थानीय मदिरा तथा फलफूलको स्थानीय मदिरा उत्पादन ब्राण्डीङ बिक्री वितरण नियन्त्रण तथा नियमन विधेयक २०८०, वालिङ नगरपालिकाको खानेपानी विधेयक २०८०, वालिङ नगरपालिकाको खानी तथा खानीजन्य पदार्थ सम्बन्धी व्यवस्थापन गर्न बनेको विधेयक २०८० को संशोधन प्रस्ताव पारित गरेको छ ।