चित्लाङ दुर्घटनामा घाइते बालिकासहित पाँचको मृत्यु

२८ पुस, काठमाडौं । काठमाडौंको चन्द्रागिरिमा शनिबार भएको दुर्घटनामा घाइते भएकी ६ वर्षीया स्मारिका गौतमको पनि मृत्यु भएको छ । उपचारका क्रममा उनको मृत्यु भएको प्रहरीले जनाएको छ । उनीसहित दुर्घटनामा पाँच जनाको मृत्यु भएको छ । 

दुर्घटनामा चारजनाको घटनास्थलमै मृत्यु भएको थियो । काठमाडौंबाट चित्लाङतर्फ जाँदै गरेको प्र ३–०१–२३ च ६९८५  नम्बरको निजी गाडी हिमचुली सेतो पहरा भन्ने ठाउँमा दुर्घटना भएको हो ।

दुर्घटनामा कार चालक ३८ वर्षिय डा. महेश कुमार गौतम, ६७ वर्षका ओमकार निधि तिवारी, ६४ वर्षकी कल्पना तिवारी र ४ वर्षका प्रियान्स गौतमको घटनास्थलमै मृत्यु भएको थियो ।

थानकोटबाट चित्लाङ जाने क्रममा गाडी दुर्घटनामा परेको हो। चिकित्सकपत्नी सृष्टी तिवारी गौतम दुर्घटनाको समयमा कारबाट झरेकाले उनी भने सकुशल रहेको प्रहरीले जनाएको छ ।