सुदूरपश्चिम प्रदेशका ९ वटै जिल्लामा सेवा दिन सिटिजन्स बैंक प्रयत्नशील छ: घिमिरे
नेपालबहस संवाददाता
पुस २९, २०८० आइतबार १५:५०:५७
नेपालको बैंकिङ बजारमा सिटिजन्स बैंक इन्टरनशलन एक अग्रंणी बैंक हो । यसले आफ्ना ग्रहकहरुलाई सवै किसिमका सेवाहरु उपलब्ध गराउँदै आएको छ । यो बैंकले सुदूरपश्चिम प्रदेशका दुर्गम जिल्लाहरुमा पनि सेवा प्रवाह गर्दै आएको छ । सुदूरपश्चिम प्रदेशमा यस सिटिजन्स बैंकले के कस्ता सेवा उपलब्ध गराएको छ भन्ने बारे जानकारी दिन यस बैंकको सो प्रदेशका शाखा प्रमुख हरिप्रसाद घिमिरेसँग हामीले सोधेका थियौ । प्रस्तुत छ उनीसँग गरिएको कुराकानीका केहि अंश ।
नेपालको बैंकिङ क्षेत्रमा सिटिजन्स बैंक इन्टरनेशनल एक अग्रणी बैंक भएकाले यो बैंकबाट सरल रुपमा सेवा पाइन्छ भन्ने आमविश्वास पनि छ । कस्तो छ तपाइहरुको सेवा ?
पक्कै पनि तपाइले भने जस्तै सिटिजन्स बैंक इन्टरनेशनल एक अग्रणी बैंकको छवि बनाउन सफल भएको बैंक हो । यो बैंकले सामान्यतया विभिन्न निक्षेप खाता, कर्जा लगानीको विकल्प, डिजिटल बैंकिङ जस्ता विभिन्न वित्तीय सेवाहरू उपलब्ध गराएर सर्वसाधारणलाई सेवा प्रदान गर्दै आएको छ । हामी ग्राहकहरूको वित्तीय आवश्यकताहरू पूरा गर्न, सुरक्षित लेनदेन प्रस्ताव गर्न र कुशल सेवाहरूमार्फत ग्राहकको सन्तुष्टि सुनिश्चित गर्न प्रतिबद्ध भएर लागेका छौ । ग्राहकहरुलाई समयमै उचित सेवा प्रवाह गर्नु नै यो बैंकको मुख्य उदेश्य हो ।
पछिल्लो सयमा निक्षेप बढाउन बैंकहरुबीच निकै प्रतिस्पर्धा छ, यसका लागि सिटिजन्स बैंकले केहि नयाँ योजना ल्याउँदैछ कि छैन ?
पक्कै पनि पछिल्लो समयमा निक्षेप बढाउन बैंकहरुबीच निकै प्रतिस्पर्धा देखिएको छ । थप निक्षेप थप्न हाम्रो लागि ग्राहक आधार वृद्धि गर्नु हाम्रो रणनीति मध्ये एक हो । बैंकले ग्राहकको संख्या बढाउन लक्षित डिजिटल मार्केटिङ अभियानहरू प्रयोग गरिरहेको छ । प्रतिस्पर्धी ब्याजदर, सजिलो अनलाइन खाता व्यवस्थापन र व्यक्तिगत ग्राहक सेवा जस्ता हाम्रा अद्वितीय विशेषताहरू हाम्रा लागि प्लसपोइन्ट हो । बैंकले ग्राहक सुविधालाई जोड दिँदै बलियो अनलाइन उपस्थिति निर्माण गरिरहेको छ र ग्राहकमैत्री सेवाहरूले निश्चितरूपमा बैंकलाई प्रतिस्पर्धी बजारमा उभिन मद्दत गर्नेछ । प्रतिस्पर्धामा आउने चुनौतिको सामना गर्न यो बैंक प्रतिबद्ध छ । यसैले निसंकोच ग्राहकहरु हामीप्रति विश्वस्त हुनुहुन्नछ ।
केहि बाणिज्य बैंकहरुले दिने सेवा सरल नभएको र बैंकमा राखेको पैसा पनि सुरक्षित नभएको भनेर धेरै गुनासाहरु आइरहेका छन, यो बैंकमा रकम जम्मा गर्यो भने सुरक्षित भइन्छ भन्ने आधारहरु के छन ?
बैंकहरुबाट हुने आन्तरिक कमीकमजोरीले कहिले काहिँ यस्ता समाचारहरू सुन्नमा आएका छन् । केहि घटनाहरु भएका पनि छन् । नेपालको बैंकिङ क्षेत्र विकासकै चरणमा भएकाले यस्ता घटनाहरु भएका हुन सक्छन । तर, हामी यस्ता कारकहरू पहिचान गरी लेनदेन सुनिश्चित गर्नेतिर बढी सचेत छौँ । ग्रहकहरुलाई म यो विश्वास दिलाउन चाहान्छु कि हामीले बैंकको आफ्नै प्रणाली बनाएका छौ । जुन यति बलियो डिजाइन गरिएको छ कि हाम्रो आन्तरिक व्यक्तिले पनि यसको दुरुपयोग गर्न सक्दैनन् । यदि कुनै हालतमा त्यस्तो कार्य भयो भने, यस्तो कार्य अज्ञात रहन सक्दैन । अर्को बैंकमा सर्वसाधारणको निक्षेप असुरक्षित छ भन्ने अफवाह पनि फैलाइने गरेको छ । तर, ग्राहको निक्षेप सुरक्षित गर्ने कुरामा यो बैंकप्रति संका नगर्दा हुन्छ । हामी बलियो प्रणालीका साथ सेवा दिइरहेका छौँ ।
तपाइले यस बैंकको सुदूरपश्चिम शाखाको नेतृत्व गरिहनु भएको छ । यस क्षेत्रका लागि तपाइहरुले दिने सेवाहरु के के छन्, केमा फोकस गरिरहनुभएको छ ?
म अहिले सुदूरपश्चिम प्रदेशको प्रदेश प्रबन्धकको जिम्मेवारीमा छु । सुदूरपश्चिम प्रदेशमा बैंक तथा वित्तीय संस्थाहरुले लगानी फोकस गर्नुपर्ने क्षेत्र पनि हो । यो प्रदेश कृषि उत्पादन र पर्यटनका दृष्टिले धरै सम्भावना भएको प्रदेश पनि हो । यसका साथै यस प्रदेशमा व्यापार व्यवसाय र उद्योगको विकासको पनि ठूलो अवसर छ । हामी अहिले यीनै क्षेत्रहरूमा लगानी गर्न प्रतिबद्ध भएर लागेका छौँ । हाम्रो फोकस पनि ती क्षेत्रहरूमा नै छ । हामीसँग पहिले नै संलग्न भएकाहरूलाई र ती क्षेत्रहरूमा संलग्न हुन चाहनेहरूलाई कर्जा प्रदान गर्नु हाम्रो मूल उदश्य हो । हामी उनीहरूको व्यवसाय स्थापना र विस्तार गर्न आर्थिक आवश्यकताहरू पूरा गरिरहेका छौँ । साथै, हाम्रो दैनिक सेवा र डिजिटल बैंकिङ प्लेटफर्ममार्फत ग्राहकहरूलाई मागेको सेवा दिइरहेका छौंँ । कुर्षि र पर्यटनबाहेक अन्य क्षेत्रमा पनि हाम्रो लगानी छ ।
सुदूरपश्चिम प्रदेशका सवै जिल्लाहरुमा यो बैंकले शाखा पुर्याउन सकेको छ कि छैन ?
हालसम्म हामीले देशभर १९० वटा शाखाहरुमार्फत आफ्ना ग्राहकहरुलाई सेवा दिइरहेका छौंँ । हाम्रो सुदूरपश्चिम प्रदेशको सन्दर्भमा ८ वटा शाखाबाट ग्राहकलाई सेवा दिइरहेका छौंँ । जसमध्ये २ वटा गाउँपालिका छन् । हाम्रा ८ वटा शाखाहरुमार्फत कैलाली, कञ्चनपुर, बझाङ, अछाम र बैतडी जस्ता ५ जिल्लामा आफ्नो उपस्थिति देखाएका छौँ । साथै सुदूरपश्चिम प्रदेशका ९ वटै जिल्लामा क्रमस शाखा र सेवा विस्तार गरेर जाने तयारी पनि छ ।
गरिबी र शिक्षाका हिसावले सुदूरपश्चिम प्रदेश पिछडीएको क्षेत्र पनि मानिन्छ, बैंकमा सेवा लिन कस्ता ग्राहक आउँछन, केमा उनीहरुको रुची बढी हुन्छ ?
सुदूरपश्चिम प्रदेशको साक्षरतादर लगभग ७६.२०% छ भने गरिबीदर लगभग २५.३०% छ । व्यक्तिगत उपभोगदेखि कृषि, व्यवसाय, व्यापार, शैक्षिक, घर खरिद, हायरपर्चेज जस्ता विभिन्न क्षेत्रमा कर्जा प्रवाह भएको छ । तसर्थ, व्यापारिकदेखि व्यक्तिगत आवश्यकताहरू पूरा गर्न मिश्रित ग्राहक आउँछन । उनीहरुलाई माग अनुसारको सेवा हामीले दिइरहेका छौँ ।
यो प्रदेशमा कर्जा लगानीको अवस्था कस्तो छ, ऋणको माग कुन कुन क्षेत्रमा हुने गरेको छ र कसरी दिन्छ यो बैंकले ऋण ?
सुदूरपश्चिम प्रदेशअन्तर्गत वाणिज्य बैंकको कुल कर्जा पोर्टफोलियो करिब १३७.२९ अर्ब छ । यसमा हाम्रो बैंकको ऋण पोर्टफोलियो करिब २ अर्ब १३ करोड छ । ऋणको माग घर कर्जा, शैक्षिक कर्जा, साना तथा मझौला उद्यम कर्जा, हायर पर्चेज कर्जा, व्यक्तिगत कर्जा, कृषि कर्जामा हुने गरेको छ । ऋण चुक्ता गर्न सक्ने आय स्रोत भएका क्रेडिट भएका र ऋण स्पष्ट उद्देश्य र योग्य धितो भएका नेपाली नागरिकले हामी बाट ऋण लिनसक्छन् र लिइरहेका पनि छन् ।
यसैपनि सुदूरपश्चिम प्रदेशमा वित्तीय लगानी आवश्यक छ । यो क्षेत्रमा कृषि र पर्यटनका पर्यात्प सम्भावनाहरु छन् । प्रदेशका ९ वटै जिल्लामा कृषि र पर्यटनको प्रचुर सम्भावना भएकाले हाम्रो सिटिजन्स बैंकले पनि यसमा प्राथमिकता दिएको छ । साथै अन्य सेवा प्रवाहमा यो बैंक कटिबद्ध भएर लागिरहेकै छ । हामी वित्तीय सेवाका सवै औचारहरु लिएर यो प्रदेशको सेवामा खटिएका छाँै ।
सहुलियतपूर्ण कर्जाहरुमध्ये कृषि तथा पशुपक्षी कर्जाबाहेक अन्य कुन कर्जा शीर्षकमा ग्रामीण इलाकालाई प्राथमिकता दिएर ऋण प्रवाह गर्नुभएको छ ?
सहुलियतपूर्ण कर्जाहरुमध्ये कृषि तथा पशुपक्षी कर्जाबाहेक हामीले महिला उद्यमी अन्तर्गत महिलाको स्वामित्वमा र महिलाबाट सञ्चालित रहेको व्यवसायमा १५ लाखसम्म ऋण उपलब्ध गराएको छौँ । साथै, ग्रामीण क्षेत्रलाई केन्द्रित गर्दै कृषिका लागि बाटो नभएको धितो स्वीकार गरी ऋण लगानी पनि गरेका छौं । यो परिस्थिति अनुसार माग हुने कर्जा सकारात्मक पनि छ । महिलाहरु विशेषगरी आफ्नो उद्यम र कर्जाप्रति बढि जवाफदेही पनि छन् । समग्रमा सवै खालका कर्जाको माग आइरहन्छ ।
कूल कर्जाको १५ प्रतिशत कृषिमा लगानी गर्न राष्ट्रबैंकको निर्देशन छ, सिटिजन्स बैंकले यसलाई प्राथमिकता दिएको छ कि छैन ?
नेपाल राष्ट्रबैंकले बैंकहरुलाई कृषि क्षेत्रमा करिब १५ प्रतिशत लगानी गर्न निर्देशन दिएको छ । सुदूरपश्चिम प्रदेशको बारेमा सोध्दा हाम्रो बैंकले कृषि क्षेत्रमा करिब २०.१४ प्रतिशत लगानी गरेको छ । सिटिजन्स बैंकले कृषि क्षेत्रलाई प्राथमिकता दिएको छ । यसमा हामी प्रतिबद्ध छौँ ।
यस बैंकबाट घर कर्जा वा अन्य कर्जा लिनका लागि के गर्नुपर्छ, केके प्रक्रिया पुर्याएपछि ऋण पाइन्छ ?
अहिले हामीसँग कर्जाका विभिन्न प्रकार छन् । कर्जा अनुसारको कागजात बेंकले लिन्छ । जग्गा खरिददेखि भवन निर्माणसम्मको लागि योग्य व्यक्तिले हामीबाट घरकर्जा लिन सक्छन् । ऋण चुक्ता गर्नसक्ने आयस्रोत, ऋणको स्पष्ट उद्देश्य र योग्य धितो भएका नेपाली नागरिकले हामीबाट ऋण लिन सक्छन् ।
कुन कर्जा कति व्याजमा पाइन्छ ?
हामीसँग विभिन्न प्रकारका कर्जाहरू छन् । जहाँ फरक–फरक ब्याजदर लागू हुन्छन् । ब्याजदर आधारदरमा निर्भर गर्ने गर्दछ । बैंकले मासिकरुपमा आधारदर प्रकाशित गर्छ । ब्याजको गणनाको लागि हामी आधारदरमा प्रिमियम थप्छौं । प्रिमियम ऋणको प्रकृतिमा निर्भर गर्दछ । त्यसैले कर्जाको प्रकृति अनुसार ब्याजदर फरक–फरक हुन्छ । एड्भोटोरियल
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपयस्तो रहेछ कास्की अदालतबाट रवि धरौटीमा छुटनुको रहस्य
नेपालबहस संवाददाता
पुष २९, २०८१ सोमबार
प्रहरीका २५ एसपीको एसएसपीमा बढुवा सिफारिस
नेपालबहस संवाददाता
माघ १, २०८१ मंगलबार
प्रहरीका २५ एसपीको एसएसपीमा बढुवा सिफारिस
माघ १, २०८१ मंगलबार
चेक अनादर आरोपमा एमाले नेता किशोरविक्रम पक्राउ
माघ १, २०८१ मंगलबार
माघे संक्रान्तिका दिन सुनचाँदी दुवैको मूल्य घट्यो
माघ १, २०८१ मंगलबार
दक्षिण कोरियाली राष्ट्रपति योन सुक योल पक्राउ
माघ २, २०८१ बुधबार
रवि लामिछानेलाई आज पनि अदालत लगिँदै, छुट्ने वा नछुट्ने आदेश आउन सक्ने
माघ २, २०८१ बुधबार
लुम्बिनी प्रदेशमा आज सार्वजनिक विदा
माघ २, २०८१ बुधबार
भूकम्प दिवसः पूर्वतयारीका लागि संकल्प जरुरी
माघ २, २०८१ बुधबार
प्रचण्ड सरकारबाट बाहिरिएपछि पहिलो पटक समाजवादी मोर्चाको बैठक बस्दै
माघ २, २०८१ बुधबार
चार संसदीय समितिको बैठक बस्दै, यस्ता छन् छलफलका एजेन्डा
माघ २, २०८१ बुधबार