खेम पाठक साना किसान लघुवित्तको अध्यक्षमा तेस्रो पटक चयन

१ माघ, काठमाडौं । साना किसान विकास लघुवित्तको अध्यक्षमा तेस्रो पटक खेम बहादुर पाठक चयन भएका छन् । आइतबार सम्पन्न संस्थाको २२ औं वार्षिक साधारसभाले पाठकलाई तेस्रो पटक अध्यक्ष चयन गरिएको हो ।

 पाठकको नेतृत्वमा सभाले ६ सदस्यीय सञ्चालक समिति निर्विरोध चयन गरेको छ । सञ्चालकहरुमा बावुकाजी थापा, समता पन्त, सुखदेव न्यौपाने, उमेश लम्साल र भिम प्रसाद पन्त चयन भएका छन । नयाँ सञ्चालक समितिको कार्यकाल ४ वर्षको हुनेछन् ।

कम्पनीले सेयरधनीहरुलाई १५ प्रतिशत लाभांश वितरण गर्ने प्रस्ताव सभामा पारित गरेको छ । थोक कर्जा प्रदायक संस्थाका रुपमा यसले ग्रामीण क्षेत्रमा रहेका साना किसान कृषि सहकारी संस्था, लघुवित्त संस्थाहरु र समान प्रकृतिका संस्थामार्फत सेवा दिंदै आएको छ । साना किसान र आरएमडीसी लघुवित्त वित्तीय संस्थाले गत असारमा मर्जरपछिको एकीकृत कारोबार सुरु गरेका थिए ।