देशका विभिन्न ठाउँबाट लागूऔषधसहित ७ जना पक्राउ

१ माघ, काठमाडौं । देशका विभित्र स्थानबाट लागूऔषधसहित ७ जना पक्राउ परेका छन ।

कास्कीको पोखरा महानगरपालिका १३ आर्वाबाट अवैध लागूऔषध गाँजा धादिङका २१ वर्षीय सुशान्त थापा पक्राउ परेका छन् । उनको साथबाट करिब १ किलो २ सय ४० ग्राम गाँजा फेला परिएको प्रहरीले जनाएको छ । 

कञ्चनपुर कृष्णपुरका ५ वर्षीय २३ वर्षीय प्रकाश सुनार र २४ वर्षीय राजु सार्की र कैलाली धनगढी उपमहानगरपालिकाका ६ का १८ वर्षीय किशोर पक्राउ परेका छन् । कञ्चनपुरको कृष्णपुर नगरपालिका ५ बनदेबीबाट अवैध लागूऔषध खैरो हेरोइन जस्तो देखिने पदार्थ ४९ मिलिग्राम, सुन जस्तो देखिने पहेंलो धातुको सिक्रीका टुक्राहरू ७ ग्राम ८४ मिलिग्रामसहित ३ जनालाई  प्रहरीले पक्राउ गरेको हो ।

ईलाका प्रहरी कार्यालय गुलरियाबाट खटिएको प्रहरीले उनीहरूलाई उक्त लागूऔषध तथा पहेंलो धातुका टुक्राहरूसहित पक्राउ गरेको हो ।

दाङको घोराही उपमहानगरपालिका १२ हापुरस्थितबाट अवैध लागूऔषध ब्राउनसुगर जस्तो देखिने पदार्थ करिब २ सय ८० मिलिग्रामसहित सोही उपमहानगरपालिका १४ बस्ने २७ वर्षीय दिपेन्द्र रोकालाई प्रहरीले पक्राउ गरेको छ । अस्थायी प्रहरी पोष्ट हापुरबाट खटिएको प्रहरीले उनलाई उक्त पदार्थसहित पक्राउ गरेको हो । 

स्याङ्जाको वालिङ स्थित वडा प्रहरीको टोलीले पर्वत कुश्मा १० बस्ने २३ वर्षीय अजय नेपालीलाई लागूऔषध सहित पक्राउ गरेका छन् । नेपालीको साथबाट नुर्फिन ४९ एम्पुल, डाईजेपाम ४९ एम्पुल र फेनरागन ४९ एम्पुल रहेको प्रहरीले जनाएको छ । 

यस्तै  पर्साको वीरगंज महानगरपालिका १६ रजत जयन्ति चोकबाट नियन्त्रित लागूऔषध नुर्फिन ७७ एम्पुल, फेनारगन ७८ एम्पुल र डाईजेपाम ७८ एम्पुलसहित मकवानपुर हेटौंडा उपमहानगरपालिका ११ थाना भर्‍याङ बस्ने ३७ वर्षीय सरोज कुमार श्रेष्ठलाई सोमबार दिउँसो प्रहरीले पक्राउ परेका छन् । प्रहरी चौकी ईनर्वा र लागूऔषध नियन्त्रण ब्यूरो वीरगंजबाट खटिएको संयुक्त टोलीले रक्सौलबाट वीरगंजतर्फ पैदल आउँदै गरेका उनलाई उक्त लागूऔषधसहित पक्राउ गरेको हो ।