काठमाडौंमा दुई पुरुषको शव फेला

३ माघ, काठमाडौं । काठमाडौंमा दुई जना पुरुषको शव फेला परेको छ । काठमाडौं महानगरपालिका १५ अन्नपूर्ण चोकस्थित नेपाल सौर्य उत्पादक संघ महाराजगञ्जको निर्माणधीन भवनमा एक जनाको शव फेला परेका छ ।

धादिङ थाक्रे गाउँपालिका १ घर भइ काठमाडौंमा ज्यामी काम गर्दै आएका २८ वर्षीय सानुमान तामाङ मृत अवस्थामा फेला परेको जिल्ला प्रहरी कार्यालय काठमाडौंले जानकारी दिए । उनी राती सुत्ने कोठामा फेला परेको प्रहरीले बताए ।

यसगरी काठमाडौं कागेश्वरी मनोहर नगरपालिका ८ ओमचोक सैलुङगेश्वरी गेष्ट हाउसनजिक बागमती खोलमा अन्दाजी ३२ वर्षीय पुरुष मंगलबार मृत अवस्थामा भेटिएको प्रहरीले जनाएको छ । मृतको नाम, थर र वतन नखुलेकाले अनुसन्धान भइरहेको प्रहरीले जनाए ।