स्वाभिमान दिवसको कार्यक्रम भित्रै जनमतको प्रदर्शन

३ माघ, जनकपुरधाम । मधेश सरकारद्वारा आयोजित मधेश स्वाभिमान दिवस कार्यक्रममा जनमत पार्टीका नेता कार्यकर्ताहरुले मधेशमा भएको भ्रष्टाचारविरुद्ध विरोध प्रदर्शन गरेका छन् । मधेश सरकारले जनकपुरधामस्थित महेन्द्र नारायण निधी मिथिला संस्कृति भवनमा कार्यक्रम आयोजना गरिरहेको स्थलमा जनमतले प्रदर्शन गरेको हो । 

कार्यक्रम भइरहेका बेला जनमत पार्टीका नेता कार्यकर्ताहरु प्रवेश गरी भ्रष्टाचार काण्डहरुको छानविन गर भन्दै प्रदर्शन गरेका छन् । मुख्यमन्त्री बेटी बचाउ बेटी पढाउ कार्यक्रम अन्तर्गत भएको साइकल खरिद, मुख्यमन्त्री स्वच्छता अभियान, जानकी मन्दिरको सौन्दर्यीकरण लगायतका भ्रष्टाचार काण्डहरुको छानविन हुनुपर्ने जनमत पार्टीका नेता कार्यकर्ताहरु माग गरेका छन् ।