काठमाडौंको न्यूरोडमा चक्कु आक्रमणबाट दुई जना घाइते

३ माघ, काठमाडौं । काठमाडौंको प्रमुख व्यापारिक केन्द्र न्युरोडमा चक्कु आक्रमणमा परी दुई जना घाइते भएका छन् । रकम लेनदेनका नाममा दुई समूहबीच चक्कु देखाएर धम्क्याउने क्रममा दुई जना सामान्य घाइते भएको महानगरीय प्रहरी वृत्त, जनसेवाका डीएसपी भेषराज रिजालले जानकारी दिए ।  

उनले कुनै ठूलो घटना नभएको बताए । एक जनाको हातमा र अर्कोको कोखामा सामान्य चोट लागेको बताए । घाइतेको ट्रमा अस्पतालमा उपचार भइरहेको छ । प्रहरीले दुवै समूहको खोजतलास गरिरहेको छ ।