व्यापारीसँग १५ लाख फिरौती माग्ने तीनजना पक्राउ

४ माघ, चितवन । चितवनमा व्यापार गर्दै आएका एक व्यापारीसँग फिरौती मागेको आरोपमा तीनजना पक्राउ परेका छन् ।

भरतपुर महानगरपालिका १ मा व्यापार गर्दै आएका करण गुप्तालाई फोन मार्फत धाकधम्की दिइ फिरौती मागेको आरोपमा भरतपुर महानगरपालिका १ का २६ वर्षीय दीपक विक, भरतपुर महानगरपालिका २५ का २६ वर्षीय सागर विक र महानगरकै २७ का सरोज सुनार परेका हुन् ।

व्यापारी गुप्तालाई अपरिचित एनसेल नम्बरबाट फोन गरी धम्की दिदै आएको भन्दै जिल्ला प्रहरी कार्यालयमा उजुरी परेको थियो ।

जिल्ला प्रहरी कार्यालय चितवनका प्रवक्ता प्रहरी नायब उपरीक्षक श्रीराम भण्डारीका अनुसार उनीहरुलाई आपराधिक षड्यन्त्र मुद्दामा जिल्ला अदालत चितवनबाट म्याद  थप गरी अनुसन्धान थालिएको छ ।