स्याङजा कांग्रेसको इतिहासमा पहिलो पटक ठूलो सङ्ख्यामा केन्द्रिय नेताहरु स्याङ्जा आउने

४ माघ, स्याङ्जा । नेपाली कांग्रेसका सभापति शेर बहादुर देउवासहित दर्जन नेता स्याङजा आउने भएका छन् । नेपाली कांग्रेस स्याङजाद्वारा माघ १० गते जिल्ला सदरमुकाम आयोजित जिल्ला सम्मेलनलाई सम्बोधन पार्टी वरिष्ठ एवम प्रभावशाली नेता शेखर कोइराला, उपसभापतिद्वय पुर्ण बहादुर खड्का र  धनराज गुरुङ, महामन्त्रीद्वय विश्वप्रकाश शर्मा र गगन थापा र सह महामन्त्री जीवन परियार लगायतका नेताहरू स्याङ्जा आउने भएका हुन ।

यस्तै केन्द्रीय सदस्य एवं युवा नेता प्रदीप पौडेल, नेता गोपालमान श्रेष्ठ, पार्टीका संघीय एवं प्रदेशका माननीयहरूको पनि उपस्थित हुने नेपाली कांग्रेस स्याङजाले जनाएको छ ।

जिल्ला सम्मेलन सम्पन्न गर्न उपसमिति गठन

जिल्ला सदरमुकाम स्थित सिटी हलमा सम्पन्न हुन लागिरहेको सम्मेलनलाई भव्य र सभ्य रुपमा सम्पन्न गर्नका लागि विभिन्न ८ वटा उपसमितिहरू बनाइएको छ । जसको ...
१. आर्थिक व्यवस्थापन संयोजक जनक प्रसाद काफ्ले,
२. सूचना तथा सञ्चार संयोजक भरत प्रसाद लम्साल,
३. मञ्च व्यवस्थापन संयोजक सुरज कुमार अधिकारी,
४. खाजा/नास्ता संयोजक नवराज सुवेदी,
५. अतिथि सत्कार संयोजक हिरादेवी रेग्मी,
६. साँस्कृतिक समिति संयोजक घनश्याम रिजाल र
७. साँगठनिक प्रतिवेदन, नीति तथा कार्यक्रम निर्माणमा गुरु प्रसाद भट्टराई, दामोदार लम्साल र भरत प्रसाद लम्साल रहेका छन् ।

सम्मेलनको अवसरमा नेपालको प्रजातान्त्रिक आन्दोलनमा महत्वपूर्ण भूमिका निर्वाह गरेका कांग्रेस नेता एवं स्वतन्त्रका सेनानीहरूलाई सम्मान गर्ने कार्यक्रम रहेको कांग्रेस जिल्ला कार्य समितिका कार्यवाहक सभापति केदार काफ्लेले जानकारी दिए ।

स्वयंसेवककाे व्यवस्थापन जिम्मेवारी तरुण दल र नेपाल  विद्यार्थी संघ जिल्ला कार्य समितिलाई  दिइएकाे छ ।