कांग्रेसले जागरण अभियानको सुरु गर्दै गर्दा पार्टीभित्र समस्या यथावत

काठमाडौं । नेपाली कांग्रेसले राष्ट्रिय जागरण अभियानको तयारी तिब्र पारेको छ । नेताहरुलाई ७७ वटै जिल्लामा अभियानका लागि जिम्मेवारी पनि तोकिसकेको छ ।

नेता नारायण खड्काले अभियान सुरु गर्दै गर्दा पार्टीभित्र भने समस्या यथावत रहेको भन्दै चिन्ता व्यक्त गरेका छन् । खड्काले कांग्रेस नेतृत्वकै कमजोरीका कारण नेपाल विद्यार्थी संघ नेतृत्वविहिन अवस्थामा पुगेको बताए ।

यस्तो अवस्थाले निरन्तरता पाए पार्टीभित्र विखण्डन हुने सम्भावनासमेत रहेको खड्काले बताए । नेविसंघको स्थापना दिवस नेताहरुले अलग अलग मनाउनु दुखद भएको खड्काले बताए । यस्तै विसंगतिका कारण पार्टी अस्तव्यस्त हुँदै गएको खड्काको ठहर छ ।