सुर्खेतमा यातायात व्यवसायीबीचको झडपपछि अवरुद्ध राजमार्घ प्रहरीले खुलायो

६ माघ, काठमाडौं । सुर्खेतको वीरेन्द्रनगरमा टिकट काउन्टरका विषयमा यातायात व्यवसायीबीच शनिबार बिहान झडप भएपछि अरुद्ध भएको रत्नराजमार्ग खुलेको छ । प्रहरीले बल प्रयोग गरेर राजमार्घ खुलाएको छ । विहान भएको झडपमा २ जना घाइते भएको प्रहरीले जनाएको छ । वीरेन्द्रनगर नगरपालिका–१० बुलबुले चोकमा रहेको भिजिट कर्णाली यातायात प्रालि र सयुक्त यातायात प्रालिका व्यवसायीबीच झडप भएको हो । 

यातायात व्यवसायीको आक्रमणबाट बुलबुले काउन्टरमा रहेका भिजिट कर्णाली यातायतका कर्मचारीसमेत घाइते भएको भिजिट कर्णाली यातायात प्रालिका अध्यक्ष प्रकाश शाहीले जानकारी दिए । आक्रमण हुँदा संरचनासहित  कर्मचारी लोकेन्द्र शाही, गगनशाही लगायत चार जना घाइते भएका छन । बसपार्कबाट आएको यायायात व्यवसायीको हुलले आक्रमण गरेको थियो ।

यस्तै, अध्यक्ष शाहीले यातायात सञ्चालनका विषयमा कानुनी प्रक्रिया पूरा गरेर भिजिट कर्णाली यातायात प्रालिले गत पुस २४ गतेदेखि स्कार्पियो जिपबाट नागरिकहरूलाई सेवा दिइरहेको बताए । संयुक्त यातायात व्यवसायीमा आवद्ध केही व्यक्तिले हतियार प्रहार गरेर भिजिट कर्णालीका कर्मचारीलाई घाइते बनाएको भिजिट कर्णाली यातायात प्रालिको आरोप छ ।

यता, संयुक्त यातायात सेवाले भने भिजिट यातायात प्रालिलाई मनोमानी तरिकाले टिकट काटेको आरोप लगाएको छ । झडपपछि केही समय बन्द भएको रत्नराजमार्ग खुलेको प्रहरीले जनाएको छ । जिल्ला प्रहरी कार्यालय सुर्खेतका अनुसार उक्त स्थानमा प्रहरी तैनाथ गरिएको छ ।