स्याङजा उद्योग वणिज्य संघको अध्यक्षमा ७ र महासचिवमा ३ सहित ४५ जनाको उम्मेदवारी

७ माघ, स्याङजा । स्याङजा जिल्ला उद्योग वाणिज्य संघको अध्यक्षमा ५ जनाको उम्मेदवारी परेको छ । अध्यक्ष पदका लागि महादेव श्रेष्ठ, नारायण ढकाल, सुनिता पौडेल (गौतम), हिक्मत श्रेष्ठ, विक्रान्त श्रेष्ठ, रबिन्द्रमान श्रेष्ठ र राजन घिमिरेले उम्मेदवारी दर्ता गरेका छन् । 

वरिष्ठ उपाध्यक्षमा भीमकुमार श्रेष्ठ र अर्जुन थापाले उम्मेदवारी मनोनयन गरेका छन् । वाणिज्य तर्फकाे उपाध्यक्षमा शा खालिद मियाँ र अनुप श्रेष्ठले उम्मेदवारी दर्ता गरेका छन् । 

उद्योग तर्फको उपाध्यक्षमा दीपककुमार श्रेष्ठ र महिला उद्योगी तर्फको उपाध्यक्ष गंगा प्रधान निर्विरोध निर्वाचित भएको मुख्य निर्वाचन अधिकृत हरिप्रसाद रेग्मीले जानकारी दिए । 

महासचिव पदका लागि तीन जनाले उम्मेदवारी दिएका छन् । मोहम्मद सरिफ मियाँ, आशिष लम्साल र रविन केसीले उम्मेदवारी दिएका हुन् । 

सचिव पदका लागि प्रकाश डोटेल र रामप्रसाद लम्सालको उम्मेदवारी परेकाे छन भने सहसचिवमा रंगनाथ रेग्मी निर्विरोध निर्वाचित भएका छन् ।

कोषाध्यक्षमा दीपेन्द्रकुमार श्रेष्ठ, लक्ष्मण प्रधान र सुमन गुरुङले मनोनयन दर्ता गरेका छन् भने सह कोषाध्यक्षमा निरज ढकाल र सौनारायण श्रेष्ठको उम्मेदवारी रहेको छ । 

सदस्यहरूमा लक्ष्मीकुमारी प्रधान, सुष्मा श्रेष्ठ, गणेश अर्याल, सुदर्शन रेग्मी, युवराज शर्मा, पृथ्वीराज अर्याल, अमृत लामिछाने, मिनाकुमारी खत्री, राजेन्द्र श्रेष्ठ, रमेशकुमार श्रेष्ठ, शुलभ श्रेष्ठ, मिनाकुमारी सुवेदी, सुर्यप्रसाद शर्मा, कौशिला पौडेल क्षेत्री, मोहम्मद फारुक शाह, हिटलर पौडेल, सुजन पोख्रेल, छाँयादत्त सापकाेटा र रिमल नेपाली रहेका छन् । 

माघ ५ गते उद्‍घाटन भएको साधारणसभा एवं अधिवेशनको निर्वाचन प्रक्रिया लम्बिएको छ । विभिन्न पदमा आकांक्षीहरु धेरै हुँदा अधिवेशन लम्बिएको जनाएकाे छ । 

कूल ५ सय ८६ मतदाता रहेकाे संघमा ४० जनाले विभिन्न पदमा उम्मेदवारी दिइएकाे निर्वाचन समितिले जानकारी दिए । ४० जना मध्येबाट १८ जना निर्वाचित हुनेछन् । निर्वाचितहरूकाे कार्यकाल ३ वर्षकाे हुनेछ ।