राष्ट्र बैंकले आज बजारबाट ३० अर्ब बराबरको तरलता खिच्दै

९ माघ, काठमाडौं । नेपाल राष्ट्र बैंकले वित्तीय प्रणालीबाट रकम तान्ने क्रमलाई निरन्तरता दिइरहेको छ । बैंक तथा वित्तीय संस्थामा अधिक तरलता जम्मा भएपछि राष्ट्र बैंकले निक्षेप खिच्ने क्रमलाई निरन्तरता दिएको हो । जस अनतर्गत निक्षेप संकलन उपकरणमार्फत ३० अर्ब रुपैयाँ बजारबाट खिच्ने भएको छ । 

बैंकका अनुसार आज उक्त निक्षेप संकलन उपकरणको बोलकबोलन हुनेछ । बैंक तथा वित्तीय संस्थाहरुको अधिक तरलता खिच्न राष्ट्र बैंकले निक्षेप संकलनमार्फत् ३० अर्ब रुपैयाँ तान्न लागेको हो । 

आज दिउँसो २ बजेसम्म इच्छुक बैंक तथा वित्तीय संस्थाले बोलकबोलमार्फत आवेदन दिन सक्नेछन् । बजारमा रहेको अधिक तरलता व्यवस्थापनका लागि राष्ट्र बैंकले निक्षेप संकलन उपकरण प्रयोग गर्दै आएको छ । केन्द्रीय बैंकले १४ दिनका लागि उक्त उपकरण प्रयोग गर्न लागेको हो । 

साँवा र ब्याज भुक्तानी मिति माघ २३ गतेलाई निर्धारण भएको छ । यसको ब्याजदर भने बोलकबोल बाटै निर्धारण हुनेछ । बैंक तथा वित्तीय सस्थाहरुले न्यूनतम १० करोड र अधिकतम ५ करोडले निःशेष भाग जानेगरी निष्कासित रकम बराबरको माग गर्न सक्नेछन् ।