इन्टर मिलानले जित्यो इटालियन सुपर कोपाको उपाधि

९ माघ,काठमाडौं । इन्टर मिलानले इटालियन सुपर कोपाको उपाधि जितेको छ । गए राती सम्पन्न फाइनल खेलमा इन्टर मिलानले नापोलीलाई १-० गोल अन्तरले पराजित गर्दै सुपर कोपाको उपाधि जितेको हो ।

इन्टर मिलानको जितमा खेलको ९१ औ मिनेटमा लाउतारो मार्टिनेजले निर्णायक गोल गरेका थिए । इन्टर मिलानले योसहित लगातार तेस्रो वर्ष इटालियन सुपर कोपाको उपाधि जितेको छ ।

यो उपाधि सबैभन्दा बढी युभेन्टसले ९ पटक जितेको छ भने इन्टर मिलानले ८, एसी मिलानले ७ र लाजियोले ५ पटक जितेका छन् । इटालियन सुपर कोपा गत सिजनको लिग विजेता तथा उपविजेता तथा कोपा इटालियाको विजेता तथा उपविजेताबीच खेलिँदै आएको छ ।