कर्णालीमा १४ लाख भेडाबाख्रामा पीपीआर खोप अभियान
नेपालबहस संवाददाता
माघ ९, २०८० मंगलबार २३:४५:११
९ माघ, कर्णाली । कर्णाली प्रदेशअन्तर्गत १० जिल्लाका १४ लाख ३९ भेडाबाख्रालाई पीपीआर खोप लगाउने अभियानको शुभारम्भ गरिएको छ ।
कर्णाली प्रदेश सरकार भूमि व्यवस्था, कृषि तथा सहकारीमन्त्री भीमप्रकाश शर्माले बराहताल गाउँपालिका–८ सुर्खेतस्थित कुमीकोटमा आज खोपकर्ता 'भ्याक्सिनेटर' लाई खोप र भाइल दिएर अभियानको शुभारम्भ गरे ।
मन्त्री शर्माले भेडाबाख्राको रोग प्रतिरोधात्मक क्षमता बढाउन र किसानको व्यवसाय संरक्षण गरी उनीहरुको आयआर्जन सुनिश्चित गराउन अभियान थालिएको बताए । “कर्णालीबाट निर्यात हुने खसीबोकाबाट यो प्रदेश आत्मनिर्भर छ”, उनले भने, “सुर्खेत, दैलेख र सल्यानबाट खसीबोका निर्यात हुने गर्दछ ।”
सन् २०३० सम्ममा भेडाबाख्रामा लाग्ने महामारी रोगको उन्मूलन गर्न तथा पशुधनलाई सुरक्षित गरी किसानको जीवनस्तर उकास्न सरकार लागि परेको मन्त्री शर्माको भनाइ थियो ।
प्रदेशस्थित पशुपन्छी विकास निर्देशनालयका निमित्त निर्देशक कृष्णप्रसाद पंगेनीले भेडाबाख्रामा यो सङ्क्रामक रोग महामारीका रुपमा नै रहेकाले त्यसबाट बचाउन अभियानको शुभारम्भ गरिएको बताए । उनका अनुसार सुर्खेतमा मात्र तीन लाख भेडाबाख्रा छन् । कर्णालीभरि करिब १४ लाख ५० हजार बढी भेडाबाख्रा भएकाले सङ्घीय सरकारको सहयोगमा पशुपन्छी रोग अन्वेषण प्रयोगशालामार्फत पर्याप्त मात्रामा खोप उपलब्ध भइसकेको छ ।
निर्देशक पंगेनीले भने, “जाजरकोट, रुकुमपश्चिम, सल्यान, सुर्खेत र दैलेखमा पहिलो चरणमा माघमा र कालीकोट, जुम्ला, डोल्पा, मुगु तथा हुम्लामा चैतदेखि पिपिआर खोप लगाउँछौँ । यो खोप भेडाबाख्रामा एक पटक लगाइयो भने तीन वर्षसम्म सङ्क्रमण हुदैन । खोप नलगाएका पशुमा सङ्क्रमण भएमा ५० देखि ९० प्रतिशत मृत्यु हने सम्भावना रहन्छ ।” उनका अनुसार प्रत्येक पालिकाको पशु शाखामार्फत नियुक्त भएका भ्याक्सिनेटरले खोरमा पुगेर खोप लगाउने छन् ।
बराहताल–८ जयुपुरका बाख्रापालक कृषक जीतबहादुर शाहीले एक सय ६३ बाख्रा पालेको बताउँदै प्रति बाख्रा न्यूनतम रु १६ हजारदेखि अधिकतम् रु ४५ हजारसम्ममा बिक्री हुने गरेको जानकारी दिए । उनले सिँचाइ र घाँस उत्पादनमा सरकारले सहयोग गरे व्यवसाय अझ फस्टाउने बताए ।
सोही वडाका देवीसरा मिजारले २४ बाख्रा पालन गरेको बताउँदै केही बाख्रा थप्ने योजना रहेको जनाए । उनले भने, “यो व्यवसायबाट प्रशस्त आम्दानी भइरहेको छ । पशुमा रोग लागेर मर्ने अवस्था नआउने गरी सरकारले बेलाबेलामा यस्ता खालका अभियान सञ्चालन गरिरहनुपर्छ ।”
बराहताल कर्णालीकै सबैभन्दा बढी बाख्रापालन हुने ठाउँका रुपमा परिचित रहेको निर्देशनालयका सूचना अधिकारी मोहन गिरीले जानकारी दिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकर्णालीमा सरकार विस्तार, ४ मन्त्रीले लिए आज शपथ
बैशाख १८, २०८१ मंगलबार
कालीकोटमा आगलागीबाट चार वर्षमा १३ जनाको मृत्यु
बैशाख १७, २०८१ सोमबार
पहिचानसहितको नागरिकता पाउनुपर्ने यौनिक तथा लैङ्गिक अल्पसङ्ख्यक समुदायको माग
बैशाख १६, २०८१ आइतबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
बैशाख १८, २०८१ मंगलबार
नबिल बैंक वीरगञ्ज शाखाबाट रकम चोरी गरेको आरोपमा चार जना पक्राउ
बैशाख १८, २०८१ मंगलबार
रौतहटमा अत्यधिक गर्मीले खोला नाला सुके, पानी नपाएर मर्न थाले जनावर !
बैशाख १९, २०८१ बुधबार
मनीषा कोइराला, भन्छिन् 'एउटा असल जीवनसाथीको चाहाना छ’
बैशाख १९, २०८१ बुधबार
आज शेयरबजार सँगै बैंक–वित्तीय संस्था पनि बन्द
बैशाख १९, २०८१ बुधबार
कालिमाटी तरकारी तथा फलफुल, गुन्द्रुक प्रतिकेजी २५० रुपैयाँ
बैशाख १९, २०८१ बुधबार
ललितपुरमा डढेलो निभाउँदा घाइते भएका थप एक जनाको मृत्यु, आगो अझै नियन्त्रणबाहिर
बैशाख १९, २०८१ बुधबार