दुई दिनमै ४२ जना फरार अभियुक्त पक्राउ

१० माघ, चितवन । जिल्ला प्रहरी कार्यालय चितवनले दुई दिनमा ४२ जना फरार अभियुक्तलाई पक्राउ गरिएकाे छ।

जिल्ला अदालत चितवनबाट सजाय तोकिएका अभियुक्तलाई माघ ८ र ९ गते चितवनका विभिन्न क्षेत्रबाट नियन्त्रणमा लिएको हो । नियन्त्रणमा पर्नेमा लागूऔषध, सवारी ज्यान मुद्दा, चेक बाउन्स, कर्तव्य ज्यान मुद्दा लगायतका अभियुक्त रहेको जिल्ला प्रहरी कार्यालय चितवनका सूचना अधिकारी श्रीराम भण्डारीले जानकारी दिए ।

भण्डारीका अनुसार उनीहरूबाट ३० वर्ष ९ महिना २५ दिन कैद र ५ लाख २२ हजार रूपैयाँ जरिवाना भुक्तान गर्न बाँकी छ ।