निफ्राको ‘लक इन’ अवधि फागुन २३ गते सकिने

१० माघ, काठमाडौं। नेपाल इन्फ्रास्ट्रक्चर बैंक लिमिटेड 'निफ्रा' को ‘लक इन’ अवधि फागुन २३ गते सकिने भएको छ । लक इन अवधि सकिएपछि संस्थापक सेयरधनी तथा कर्मचारीले होल्ड गरेको शेयर कारोबारका लागि योग्य हुनेछ ।

हाल निफ्राको १२ करोड ९६ लाख कित्ता संस्थापक शेयर ‘लक इन’ रहेको छ । फागुन २३ गतेपछि यी शेेयर दोस्रो बजारमा कारोबारको लागि योग्य हुनेछ । बैंकको शेयर रजिष्ट्रारमा ग्लोबल आइएमई क्यापिटल रहेको छ । निफ्राको २०७७ साल माघ १६ गते शेयर बाँडफाँट भएको थियो ।