कांग्रेसको अभियानका लागि ७७ जना प्रतिनिधि चयन

१० माघ, काठमाडौं । नेपाली कांग्रेसले राष्ट्रियसभा निर्वाचन लगत्तै सुरु गर्न लागेको ‘समुदायमा कांग्रेस’ अभियानका लागि ७७ जान केन्द्रीय प्रतिनिधि टनोट गरको छ । केन्द्रले छनोट गरेका प्रतिनिधिहरु १३ गतेदेखि नै परिचालित हुनेछन् । पार्टीले सबै जिल्लामा केन्द्रीय समिति सदस्यहरूलाई प्रतिनिधि बनाएर जिम्मेवारी दिएको छ । 

माघ १३ गतेबाट २६ गतेसम्म कांग्रेसको पहिलो चरणको अभियान सञ्चालन हुँदैछ । माघ १३ देखि अभियान सुरु भएपनि यसको उद्घाटन भने माघ १६ गते हुनेछ । देशभरका ६ हजार ७४३ वटै वडामा माघ १६ गते सहिद दिवसको अवसरमा अभियान उद्घाटन हुनेछ भने २६ गते सुशील कोइराला स्मृति दिवसमा समापन हुनेछ ।  

यसअघि माघ ७ गतेदेखि अभियान सञ्चालन गर्ने भनिएको थियो । तर, राष्ट्रियसभा सदस्यको निर्वाचन माघ ११ गते परेकाले निर्वाचन सकिएपछि मात्र अभियान सुरु गर्न लागिएको कांग्रेस सूचना सञ्चार तथा प्रचार विभागमा प्रमुख मीन विश्विकर्माले जानकार दिए ।  कांग्रेसले सातै प्रदेशमा प्रतिनिधि तोकेको हो ।