भुकम्पपीडित 'मामाघर'मा !

११ माघ, काठमाडौं । जाजरकोटका भुकम्पमा अभिभावक गुमाएका बालबालिकाले काठमाडौंमा आश्रय पाएका छन् । 

श्री बालयोगेश्वर बिजयमुर्ती महाराजले उनीहरूलाई जाजरकोटबाट खोजेर काठमाडौं ल्याएर बसोबासको ब्यवस्था मिलाएका हुन । मामाघर अनाथालय सपोर्ट एन्ड केयर, बाडेगाउँ ललितपुरले उनीहरूको जिम्मा लिएको हो ।

सो आश्रममा अहिले २० जना बालक र १० जना बालिकासहित ३० जनालाई जाजरकोटबाट ल्याइएर जिम्मा लिएको हो । ती मध्ये अधिकांश दलित समुदायका बालबालिका रहेका छन् । बालबालिकालाई निःशुल्क गाँसबास, शिक्षा तथा स्वास्थ्यलगायत सम्पूर्ण जिम्मा आश्रमले लिनेछ ।