ग्रेस इन्टरनेसनलको ब्रान्ड एम्बेसडरमा दिपेन्द्रसिंह ऐरी नियुक्त

११ माघ, काठमाडौं । नेपाली राष्ट्रिय क्रिकेट टिमका अलराउन्डर दिपेन्द्रसिंह ऐरी ग्रेस इन्टरनेसनलको ब्रान्ड एम्बेसडर नियुक्त भएका छन् । नौ बलमा ५२ रन प्रहार गरी ’फास्टेस्ट फिप्टी’को विश्व रेकर्ड बनाएका दिपेन्द्र नेपाली क्रिकेटका लोकप्रिय खेलाडी हुन् ।

सत्र वर्षदेखि अस्ट्रेलिया, क्यानडा, बेलायत, अमेरिकासहितका देशमा पढ्न चाहने विद्यार्थिलाई परामर्श दिँदै आएको ग्रेस इन्टरनेसनलले यो वर्ष नेपाली खेलकुद क्षेत्रलाई प्रोत्साहन गर्ने योजना बनाएको छ । ग्रेस इन्टरनेसनलका निर्देशक एन्ड्रयू पौडेलले दिपेन्द्रसँगको सहकार्यले नयाँ पुस्ता र युवा पिँढीलाई करियर निर्माण गर्न सहयोग गर्ने बताए ।
 
ग्रेसले व्यावसायिक प्रर्वधनको उद्देश्यसहित ब्रान्ड एम्बेसडर नियुक्त गरेको जनाएको छ । तर, यो सहकार्य व्यवसाय प्रवर्धनका लागि मात्र नभएर नेपाली क्रिकेट खेलाडीहरूप्रतिको उत्तरदायित्वस्वरूपको सहकार्य पनि रहेको ग्रेसले बताएको छ ।