दुई पुरुषकाे हत्या अभियाेगमा फरार महिला २० वर्षपछि पक्राउ

११ माघ, काठमाडाै‌ं । हत्याका फरार अभियुक्तलाई प्रहरीले पक्राउ गरेकाे छ । संखुवासभा साविक​​​​​​ सिद्धकाली गाविस २ की ३५ वर्षीया कैली तामाङलाई प्रहरीले पक्राउ गरेको हो।

वि.सं. २०६० सालमा दुई जना पुरुषको सामूहिक हत्या घटनामा संलग्न रहेको अभियोगमा उनी पक्राउ परेकी हुन् । जिल्ला अदालत संखुवासभाको २०६६ फागुन १२ गतेको फैसलाले हत्याकाे अभियोगमा उनलाई २० वर्ष कैद सजाय सुनाएको थियो। घटना लगत्तै फरार रहेकी उनलाई  बुधबार संखुवासभा इलाका प्रहरी कार्यालय केराबारीकाे टाेली प्रहरीले पक्राउ गरेको हो।