८ किलो गाँजासहित दुईजना पक्राउ

१२ माघ, सप्तरी । कञ्चनरुप नगरपालिका ७ आदर्श टोलबाट अवैध लागूऔषध ८ किलो गाँजासहित दुई जनालाई प्रहरीले पक्राउ गरेको छ ।

तिलाठी कोईलाडी गाउँपालिका ६ का ३१ वर्षीय सचिन यादव समेत २ जनालाई  प्रहरीले पक्राउ गरेको जनाएको छ ।

प्रहरी चौकी धरमपुरबाट खटिएको प्रहरीले को २५ प ७०२४ नम्बरको मोटरसाइकल जाँच गर्ने क्रममा मोटरसाइकलमा सवार उनीहरूलाई उक्त गाँजासहित पक्राउ गरेको हो । 
 घटनाबारे आवश्यक अनुसन्धान गरिरहेको जनाएको छ ।