आठ हजार घुस लिएको आरोपमा भण्डारीबिरुद्ध भ्रष्टाचार मुद्दा दायर

१४ माघ, काठमाडौं । अख्तियार दुरुपयोग अनुसन्धान आयोगले बाँकेको खडैचास्थित प्रहरीचौकीमा कार्यरत प्रहरी सहायक निरीक्षक गजेन्द्रसिंह भण्डारीविरुद्ध भ्रष्टाचार मुद्दा दायर गरेको छ । 

सेवाग्राहीसँग आठ हजार रुपैयाँ घुस लिई भ्रष्टाचार गरेको ठहर गर्दै अख्तियारले आइतबार विशेष अदालतमा मुद्दा दायर गरेको हो ।

कृषि प्रयोजनका निम्ति ल्याइएको युरिया मलसहित बरामद मोटरसाइकल छुटाइदिने भन्दै भण्डारीले घुस मागेको सूचना पाएपछि अख्तियारले अनुसन्धान अघि बढाएको थियो ।