विधान मस्यौदामाथि छलफल गर्न समाजवादीमा १० समूह विभाजन

१४ माघ, काठमाडौं । नेकपा एकीकृत समाजवादीले विधान मस्यौदामा छलफल गर्न  केन्द्रीय परिषद्का प्रतिनिधिलाई १० समूहमा विभाजन गरको छ । विधान संशोधनको प्रस्तावमाथि छलफलका निम्ति उनीहरूलाई १० समूहमा विभाजन गरिएको हो । 

सात प्रदेश र विशेष कमिटी गरी प्रतिनिधिलाई १० समूहमा विभाजन गरिएको छ । छलफलका लागि आज साँझसम्मको समय दिइएको महासचिव घनश्याम भुसालले जानकारी दिए । भोलि बिहान ११ बजे सुरु हुने बैठकमा समूहको निष्कर्ष सुनाइनेछ । बैठक भोलि नै सकाउने एकीकृत समाजवादीको तयारी छ ।