अध्यागमनका कर्मचारी बचाउने उच्च तहको प्रयासबीच २२ जनाविरुद्ध मुद्दा चलाउन प्रहरीको सिफारिस
नेपालबहस संवाददाता
माघ १५, २०८० सोमबार ११:४९:५
१५ माघ, काठमाडौं । जिल्ला प्रहरी परिसर काठमाडौंले अध्यागमन कार्यालयका कर्मचारीलाई बचाउने गरी संगठित रूपमा भएको भिजिट भिसासम्बन्धी अनुसन्धान पूरा गरी रायसहितको प्रतिवेदन सरकारी वकिलको कार्यालयमा बुझाएको छ । प्रहरीले अध्यागमनका ९ जना कर्मचारीसहित २२ जनालाई प्रतिवादी बनाउन सिफारिस गरेको छ ।
फरारमध्ये आठ जना त्रिभुवन अन्तर्राष्ट्रिय विमानस्थल, कार्यालयका अध्यागमन अधिकृत छन् । उनीहरू विभिन्न पहुँचका आधारमा पक्राउ परेका छैनन् । कर्मचारी संगठनहरुले पनि उनीहरूलाई पक्राउ गरेर मुद्दा चलाइए आन्दोलनमा जाने धम्की दिएका छन् । विभिन्न राजनीतिक दलका नेताको दवावले गृहमन्त्री नारायणकाजी श्रेष्ठले पनि भित्री रुपमा अध्यागमनका कर्मचारीलाई नसमाउन प्रहरीलाई निर्देशन दिएको बुझिएको छ ।
यो प्रकरणमा प्रहरीले १० जनालाई पक्राउ गरेपनि १२ जना अझै फरार छन् । उनीहरूलाई प्रतिवादीका रूपमा मुद्दा दायर गर्न सरकारी वकिलको कार्यालयमा प्रतिवेदन बुझाएको हो । काठमाडौं उपत्यका अपराध अनुसन्धान कार्यालयले यस प्रकरणमा दुई महिनाअघि प्रारम्भिक छानबिन गरी विस्तृत अनुसन्धानका लागि परिसरमा बुझाएको थियो ।
अनुसन्धानको क्रममा कर्मचारीलाई प्रतिवादी नबनाउन प्रहरीमाथि दबाब र प्रभाव थियो । गृह मन्त्रालयमा अध्यागमनका अधिकारीलाई नै राखेर प्रहरीले ब्रिफिङ गरेपछि अनुसन्धान अघि बढेको हो । त्यस विरुद्ध कर्मचारीले भने कामसमेत रोकेर विरोध गर्दै आएका छन् । त्रिभुवन अन्तर्राष्ट्रिय विमानस्थलमा केही दिनयता बढेको प्रहरी र अध्यागमन टकरावको एउटा कारण पनि यही भएको प्रहरीको अनुमान छ ।
प्रहरीले प्रतिवादी बनाउन सिफारिस गरे पनि सरकारी वकिलमार्फत कर्मचारीलाई जोगाउन अझै प्रयास जारी छ । आइतबार सिंहदरबारमा विभिन्न कर्मचारी संगठनका अधिकारी र गृहमन्त्री नारायणकाजी श्रेष्ठबीच भएको छलफलमा कर्मचारीले अध्यागमनका कर्मचारीलाई मुद्दा लगाउने काम भए देशभरका अध्यागमन कार्यालय बन्द हुने चेतावनी दिएका थिए ।
अध्यागमनका अधिकृतमाथि प्रहरीले हातपात गरेको भनेर घटना देखाइएपनि कर्मचारी संगठनले अध्यागमनका कर्मचारीलाई भिजिट भिसा प्रकरणमा मुद्दा चलाउन नपाउने माग गरेका छन् । आइतबार गृहमन्त्रीकै निर्देशनमा अ विमानस्थलमा कार्यरत दुई प्रहरी सरुवा गरिएको बताइएको छ । प्रहरीले अनुसन्धान पुरा गरेको जनाएपनि फितलो प्रतिवेदन बुझाएको छ । अब सरकारी वकिलको कार्यालयमार्फत दोषी भनिएका अध्यागमनका कर्मचारीलाई बचाउने प्रयास हुनेछ ।
फरारमध्ये आठ जना त्रिभुवन अन्तर्राष्ट्रिय विमानस्थल, कार्यालयका अध्यागमन अधिकृत छन् । उनीहरू काठमाडौंमा रहेपनि प्रहरीले पक्राउ गरेको छैन् । प्रहरीले ती कर्मचारी कहाँ छन भनेर खोज्ने काम भइरहेको जनाएको छ । सामान्य प्रशासन मन्त्रालयले कर्मचारी नदेखाएको भन्दै प्रहरीले उनीहरूलाई पक्राउन नगरेको हो ।
प्रहरीले अध्यागमन अधिकृत नरवीर खड्का र अन्य नौ बिचौलियालाई पक्राउ गरेर उनीहरु बीचबाटै अनुसन्धान टुंग्याएकाे छ । बिचौलियाको काम गर्ने दिनेश ज्ञवाली, रविन अर्याल, विनोद कार्की, गीता शाह, अरुण दाहाल, सरोजकुमार यादव, पदम लामा, मनोज लामा, रामप्रसाद भण्डारी हाल प्रहरी थुनामा छन् ।
अध्यागमन अधिकृतहरू ताराबहादुर कुँवर, कुशल बराल, शैलेन्द्र ढकाल, विमल पौडेल, विष्णु अर्याल, विकास डंगोल, पीताम्बर रिमाल र सुजन फागो फरार छन् । ९ माघमा अदालतले उनीहरू विरुद्ध पक्राउ पुर्जी जारी गरेको थियो । पक्राउ परेका उपर अनुसन्धान पूरा गरी लिखत किर्ते तथा संगठित अपराधको कसुरमा मुद्दा चलाउन सिफारिस गरिएको प्रहरीले जनाएको छ ।
यसै गरी सिनामंगलको बाल्टिन इन होटेलका सञ्चालक केदारबहादुर खड्का पनि गिरोहमा संलग्न रहेको खुलेको छ । बाराकी कौशिला मगर, सोलुखुम्बुकी लक्ष्मी राई, सिन्धुलीकी रीता दमाईँविरुद्ध पनि पक्राउ पुर्जी जारी भइसकेकोमा उनीहरू फरार छन् ।
थुनामा रहेका अधिकृत खड्काको बयान र उनको मोबाइल परीक्षणबाट थप व्यक्तिको संलग्नता खुलेको हो । सुरुमा आफूलाई अधिकृत ताराबहादुर कुँवरले सेटिङ गिरोहसँग आबद्ध गराइदिएको र सबै कर्मचारी मिलेरै सेटिङ चल्दै आएको उनले बयान दिएको प्रहरीको भनाइ छ । प्रहरीले खड्कालाई दुई लाख नगदसहित पक्राउ गरेको थियो । उनीमाथि अनुसन्धानको क्रममा अध्यागमन डेस्कमा जोसुकै भए पनि सेटिङ चल्ने पुष्टि भएको प्रहरीले जनाएको छ । जसले अध्यागमनमा संगठित रूपमै सेटिङ चल्दै आएको प्रहरी निष्कर्ष छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपहत्या गरेको अभियोगमा भोजपुर र पर्साबाट दुई जना पक्राउ
जेठ १२, २०८१ शनिबार
काठमाडौंको मित्रनगर र गोकर्णेश्वरबाट २२ जना जुवाडे पक्राउ
जेठ ११, २०८१ शुक्रबार
सानेपाबाट नक्कली नेपाली नोटसहित एक जना पक्राउ
जेठ ११, २०८१ शुक्रबार
अवैध नदीजन्य पदार्थ ओसारपसार गरिरहेका टिपर स्थानीयको नियन्त्रणमा
नेपालबहस संवाददाता
जेठ १०, २०८१ बिहिबार
के तपाईको हातमा पैसा जोगिदैन ? यी तरिकाहरु अपनाउनुस् !
नेपालबहस संवाददाता
जेठ १२, २०८१ शनिबार
भारतीय कारखानामा विस्फोट : मृत्यु हुनेको संख्या ११ पुग्यो
नेपालबहस संवाददाता
जेठ ११, २०८१ शुक्रबार
भारतीय मूलका विनोद चौधरीका कर्तुत खोजिँदै, कसरी छिरे नेपाल ?
नेपालबहस संवाददाता
जेठ ११, २०८१ शुक्रबार
के क्रिकेटर हार्दिक र नतासाको डिभोर्स भएको ?
जेठ १२, २०८१ शनिबार
तपाईको आजको राशीफल कस्तो छ ?
जेठ १३, २०८१ आइतबार
सगरमाथा आरोही सशस्त्र प्रहरी निरीक्षक पौडेलको स्वागत तथा सम्मान
जेठ १२, २०८१ शनिबार
अस्पतालमा आगलागी हुँदा सात नवजात शिशुको मृत्यु
जेठ १३, २०८१ आइतबार
अफगानिस्तानमा महिलामाथि लगाइएको प्रतिबन्धले बालविवाहको संख्या बढ्ने
जेठ १३, २०८१ आइतबार
सत्ता गठबन्धनले देखाएको रवैया निरंकुशताउन्मुख र अनुदारवादी : महामन्त्री थापा
जेठ १३, २०८१ आइतबार
गृहमन्त्री लामिछानेको राजीनामा माग्दै पोखरामा सहकारी पीडितको प्रदर्शन
जेठ १३, २०८१ आइतबार
महालेखापरीक्षकको ६१औँ प्रतिवेदन आज राष्ट्रपतिसमक्ष पेस हुँदै
जेठ १३, २०८१ आइतबार
भोजपुरको एक मात्र गरस चिया उद्योग
जेठ १३, २०८१ आइतबार