लोमस फर्मास्युटिकल्सको पारासिटामोल गुणस्तरहिन

१५ माघ, काठमाडौं । न्यून गुणस्तर र स्वास्थ्यमा असर पार्ने पाइएपछि औषधि व्यवस्था विभागले लोमस फर्मास्युटिकल्सद्वारा उत्पादित पारा सिटामोल बिक्रीमा रोक लगाएको छ । विभागले सो कम्पनीको सिटी २०२३ ब्याचको ५०० एमजी पारा सिटामोल ट्याबलेटकाे बिक्रीमा रोक लगाएको हो ।

राष्ट्रिय औषधि प्रयोगशालामा परीक्षण गर्दा सो औषधि न्यून गुणस्तरको पाइएको विभागले जनाएको छ । विभागले तत्काल त्यसको बिक्री–वितरण रोक्का गरी बजारबाट समेत फिर्ता ल्याउन कम्पनीलाई निर्देशन दिएको छ । यो औषधी अहिले बजारमा छ्याप्छ्याप्ती छ । यो सिटामोल अब कुनै पनि औषधी पसलले बिक्री गर्न पाउने छैनन् । बिक्री वितरण गरेको पाइएमा त्यस्ता पसलमाथि कारबाही हुने विभागले जनाएको छ ।