आजबाट औपचारिक रुपमा कांग्रेसको अभियान सुरु, देशभरका सबै वडामा पुगे प्रतिनिधि

१६ माघ, काठमाडौं । नेपाली कांग्रेसको ‘समुदायमा कांग्रेस’ अभियानको आज उद्‍घाटन भएर २६ गते सम्म चल्ने छ । शहीद दिवसको अवसर पारेर कांग्रेसले आजदेखि औपचारिक रुपमा अभियानको सुरुआत गरेको हो । अभियान अन्तर्गत आज सबै वडा तहमा कार्यक्रम हुने कांग्रेसले जनाएको छ । २६ गतेसम्म सञ्चालन हुने अभियानमा नेताहरूले जनताका कुरा सुन्नेछन् । तर, औपचारिक कार्यक्रम भने हुनेछैनन् ।

अभियानका लागि ७७ जिल्लामै केन्द्रीय प्रतिनिधि र ७ वटै प्रदेशमा शीर्ष नेताहरू खटाइएको छ । यसअघि एक महिनाका लागि तय भएको कार्यक्रम राष्ट्रिय सभा निर्वाचनका कारण कांग्रेसले छोट्याइएको हो । नेपाली कांग्रेसले राष्ट्रिय सभा निर्वाचन लगत्तै सुरु गर्न लागेको ‘समुदायमा कांग्रेस’ अभियानका लागि ७७ जान केन्द्रीय प्रतिनिधि छनोट गरको छ । 

केन्द्रले छनोट गरेका प्रतिनिधिहरु १३ गतेदेखि नै परिचालित हुनेछन् । पार्टीले सबै जिल्लामा केन्द्रीय समिति सदस्यहरूलाई प्रतिनिधि बनाएर जिम्मेवारी दिएको छ । नेताहरू भने माघ १३ गतेबाटै जिल्लामा खटिएका थिए । माघ १३ देखि अभियान सुरु भएपनि यसको उद्‍घाटन भने आज माघ १६ गते राखिएको छ ।  

यसअघि माघ ७ गतेदेखि अभियान सञ्चालन गर्ने भनिएको थियो । तर, राष्ट्रिय सभा सदस्यको निर्वाचन माघ ११ गते परेकाले निर्वाचन सकिएपछि मात्र अभियान सुरु गर्न लागिएको कांग्रेस सूचना सञ्चार तथा प्रचार विभागमा प्रमुख मीन विश्वकर्माले जानकार दिए ।  कांग्रेसले सातै प्रदेशमा प्रतिनिधि तोकेको हो ।  

नेपाली कांग्रेसले ‘समुदायमा कांग्रेस’ अभियानका लागि केन्द्रीय नेताहरूलाई जिल्ला तोकेर खटाएको छ । कुन नेतालाई कुन जिल्लामा खटाउने भन्ने कार्यसमितिको निर्णयअनुसार ‘समुदायमा कांग्रेस’ अभियानका लागि नेताहरूलाई जिल्ला जिल्लामा खटाइएको कांग्रेसले जनाएको छ ।

टोलीमा केन्द्रीय नेतृत्व सँगसँगै प्रदेशले तोकेका पदाधिकारी पनि सहभागी हुनेछन् । माघ १६ गतेदेखि २६ गतेसम्म टोली जिल्ला जिल्लामा रहनेछ । अभियानको कार्यक्रमलाई थप प्रभावकारी बनाउँदै फरक–फरक जिल्लामा फरक–फरक समुदायको बीचमा पुग्न र संवाद गर्न निम्न बमोजिम फरक–फरक टोली खटिएको मुख्य सचिव कृष्णप्रसाद पौडेलले जानकारी दिएका छन् । 

टोलीमा केन्द्रीय नेतृत्व सँगसँगै प्रदेशले तोकेका पदाधिकारीहरू सरिक रहनेछन् । तोकिएका जिल्लाहरूमा भिन्न–भिन्न समुदायका बीचमा भ्रमण, भेटघाट र छलफलहरूको संयोजन पार्टी जिल्ला कार्यसमितिले गर्नेछ । टोली २६ गते सुशील कोइराला स्मृति दिवससम्म जिल्लामा रहनेछ । 

को कहाँ खटाइए ?

कोशी प्रदेश

१) डा. शेखर कोइराला– झापा र सुनसरी 

२) डा. नारायण खड्का– संखुवासभा, भोजपुर, तेह्रथुम र धनकुटा 

३) बलबहादुर के. सी.– मोरङ, ताप्लेजुङ, पाँचथर, इलाम, ओखलढुंगा र उदयपुर 

मधेश प्रदेश र वागमती प्रदेशका ४ जिल्ला

१) प्रकाशमान सिंह– मधेस प्रदेशको महोत्तरी, सिराहा, सप्तरी र धनुषा वागमतीको सिन्धुली र मकवानपुर 

२) महालक्ष्मी उपाध्याय ‘डिना’ – बारा, पर्सा, रौतहट र सर्लाही , वागमतीको धादिङ र चितवन 

वागमती प्रदेश

१) डा. मिनेन्द्र रिजाल– काठमाडौं, काभ्रे, सिन्धुपाल्चोक, नुवाकोट र रसुवा

२) पुष्पा भुसाल – ललितपुर, भक्तपुर, रामेछाप र दोलखा 

गण्डकी प्रदेश

१) महेन्द्र यादव – तनहुँ, लमजुङ, गोर्खा, पर्वत र नवलपुर 

२) प्रदीप पौडेल – कास्की, स्याङ्जा, म्याग्दी र बागलुङ 

लुम्बिनी प्रदेश

१) विमलेन्द्र निधि– रुपन्देही, अर्घाखाँची, दाङ, पाल्पा, बाँके र रोल्पा 

२) डा. डिला संग्रौला– कपिलवस्तु, पाल्पा, गुल्मी, रुकुम (पूर्व), बर्दिया, प्युठान र नवलपरासी 

कर्णाली प्रदेश

१) डा. शशांक कोइराला – दैलेख, सल्यान र सुर्खेत 

सुदुरपश्चिम् प्रदेश

१) भिष्मराज आङ्देम्बे – कैलाली, डोटी, अछाम, बझाङ, डडेल्धुरा, दार्चुला, बैतडी र  कञ्चनपुर 

नोटः केही हिमाली जिल्ला र भूकम्प प्रभावित दुई जिल्लामा यो अवधिको अभियान राखिएको छैन ।