मानव अधिकार उल्लंघन गर्ने कर्मचारी, सेना र प्रहरी अधिकारीसहित ६० जनाको नाम सार्वजनिक

१६ माघ, काठमाडौं । राष्ट्रिय मानव अधिकार आयोगले मानव अधिकार उल्लंघनमा कारवाहीको लागि सिफारिस गरेकाहरुको नामावली सार्वजनिक गरेको छ । सोमबार एक विज्ञप्ति जारी गर्दै आयोगले ६० जनाको नाम सार्वजनिक गरेको हो । 

विज्ञप्तिमा प्रहरी, सशस्त्र प्रहरी, नेपाली सेना, राष्ट्रिय अनुसन्धान र निजामति कर्मचारीसहित तत्कालीन विद्रोहीहरुको नाम सार्वजनिक गरेको छ । नेपाली सेनाका सेनानीहरु कृष्णमुरारी न्यौपाने, सुरत रावल तथा सहसेनानी चक्रबहादुर कार्की र क्याप्टेन दिनेश थापा पनि कारवाहीमा सिफारिस भएकाहरुको सूचीमा छन् । सशस्त्र प्रहरी बलका सहायक प्ररही उपरीक्षक प्रकाश ओझासहित राष्ट्रिय अनुसन्धानका निरीक्षक लिलाधर पौडेल पनि सूचीकृत छन् ।

निजामति कर्मचारीतर्फ प्रमुख जिल्ला अधिकारीहरु दीपककुमार पहाडी, सरोजप्रसाद गुरागाई, रमा आचाय माधवप्रसाद ओझा, शालीग्रााम शर्मा पौड्याल र शिवप्रसाद नेपाल पनि सूचीमा छन् । सहायक प्रमुख जिल्ला अधिकारी पुरुषोत्तम अधिकारी, विभाग प्रमुख द्रोण पोखरेल, कारागार प्रमुखहरु देवेन्द्रप्रसाद श्रेष्ठ र कमला घिमिरेसहित निमित्त कारागार प्रमुख यामलाल ओली तथा नासु दिपेन्द्रप्रसाद पौडेलको पनि नाम सार्वजनिक भएको छ ।

प्रहरीतर्फ ३२ जना कारवाहीको लागि सिफारिस परेका छन् । प्रहरी उपरीक्षकहरु रामकुमार खनाल, नारायणकुमार आचाय योगेश्वर रोमखामी र उमाप्रसाद चर्तुवेदी कारवाहीका लागि सिफारिस भएको आयोगले जनाएको छ । प्रहरी नायब उपरीक्षकहरू कामाख्या नारायण सिंह, नारायणप्रसाद चिमोरिया, टेकुनन्द इवा लिम्बु र हनुमान शाहको नाम पनि सूचीमा छ ।

यस्तै प्रहरी निरीक्षकहरु महेन्द्र दर्नाल, दीपेन्द्र श्रेष्ठ, दुर्गालाल चौधर गोविन्दप्रसाद साह र कमलप्रसाद गिरीसहित प्रहरी सहायक निरीक्षकहरु खड्गबहादुर कार्की, दिनेश अधिकारी, महाविर राज धावे र बासुदेव चौधरनवराज दाहाल, ऋषि खनाल, राजनप्रसाद नेपाली रहेका छन् । 

प्ररही नायब निरीक्षकहरु रामकुमार यादव, श्याम राउत, धर्मेन्द्रकुमार सिंह चक्र बस्नेतसहित प्रहरी हवल्दारहरु भुवनसिंह कार्की, युवराज बस्नेत, हर्कबहादुर थापा, केदार अधिकारी, दलबहादुर कार्की र प्रहरी जवान विनोद ठाकुर, टार्जन गुरुङ र निलम संग्रौला पनि कारवाहीको लागि सिफारिसमा परेका छन् ।

तत्कालीन नेकपा माओवादीका खण्टे कामी, श्रवणकुमार यादव, रामअवतार महतो, रामविलास यादव, हृदय यादव, प्रभु साह, एसपी किराँती, हरिप्रसाद दाहाल, अर्चन भन्ने मनप्रसाद गौतम र नन्कु बेहना पनि यो सुचीमा छन् । सिफारिस गरिएका ६६ मध्ये ६ जनाको हकमा कारवाहीको जानकारी प्राप्त भएकोले नाम सार्वजनिक नगरिएको आयोगले जनाएको छ ।