वीरगंजबाट ३६ लाखको अवैध सामान बरामद

१७ माघ, पर्सा । पर्साको वीरगंंजमा सशस्त्र प्रहरीले ठूलो परिमाणको अवैध सामान बरामद गरेको छ । वीरगंज महानगरपालिका १६ स्थित भुटनदेवी मन्दिर नजिकैबाट मंगलबार सशस्त्र प्रहरीले ठूलो परिमाणका श्रृंगारका सामान र जुत्ता बरामद गरेको जनाएको छ ।

भारतबाट अवैध रुपमा नेपाल भित्र्याउन लागेको अवस्थमा करिब ३६ लाख ४० हजार रुपैयाँको चोरीपैठारीको सामान बरामद गरेको पाइएको छ ।

भारतबाट अवैध रुपले साईकलहरुमा राखी ल्याउँदै गरेको कस्मेटिक सामान र जुत्ता प्रस्तावित सीमा सुरक्षा गुल्म वीरगंजले बरामद गरेको हो । उक्त सामान ल्याउने व्यक्तिहरु भने फरार भएका छन् । उनीहरुको खोजी भैरहेको जनाएको जिल्ला प्रहरी कार्यालय पर्साले जानकारी दिए ।

बरामद सामान वीरगंज भन्सार कार्यालय पर्सामा बुझाईएको छ ।