मन्त्री ज्वालासँग जाँचबुझ आयोगले बयान लिँदै

१७ माघ, काठमाडौं । ललितपुरको बालकुमारी भएको घटना छानबिनका लागि गठित जाँचबुझ आयोगले भौतिक पूर्वाधार तथा यातायातमन्त्री प्रकाश ज्वालालाई बयानका लागि बोलाएको छ । उनलाई आज बयान दिन आउन पत्राचार। गरिएको आयोगले जनाएको छ । 

गत पुस १६ गतेको मन्त्रिपरिषद्को निर्णयानुसार जाँचबुझ आयोग ऐन, २०२६ को दफा ३ को उपदफा (२) बमोजिम उच्च अदालतका पूर्व न्यायाधीश शेखर प्रसाद पौडेलको अध्यक्षतामा ’बालकुमारी घटना जाँचबुझ आयोग, २०८०’ बनाइएको थियो । आयोगलाई एक महिनाभित्र प्रतिवेदन पेश गर्ने गरी समय दिइएको छ । तर, आयोगले काम नसकिने भन्दै समय थप मागेको छ । 

ईपीएस कोरिया शाखा कार्यालयमा परीक्षा फाराम भर्ने विषयमा भएको प्रदर्शनको समयमा अछामको चौरपाटी गाउँपालिका–१ घर भई काठमाडौं बस्ने २१ वर्षीय वीरेन्द्र शाह र दैलेखको महाबु गाउँपालिका घर भई  भक्तपुर बस्ने वर्ष २३ को सुजन राउतको मृत्यु भएपछि सरकारले बनाएको जाँचबुझ आयोगले ज्वालालाई बयानका लागि बोलाएको हो ।