क्यासिनो प्यालेसबाट १ करोड नगदसहित ९ जना पक्राउ

१९ माघ, काठमाडौं । प्रहरीले दरबारमार्गस्थित क्यासिनो प्यालेसबाट एक करोड नगदसहित ९ जनालाई पक्राउ गरेको छ । क्यासिनो प्यालेसको अण्डर ग्राउण्डमा अनलाइनमार्फत सट्टेबाटी गराएको आरोपमा उनीहरूलाई पक्राउ गरिएको काठमाडौँका एसएसपी भूपेन्द्र खत्रीले जानकारी दिए । 
 
पक्राउ पर्नेहरूमध्ये ३ जना भारतीय र ६ जना नेपाली छन् । आरोपीहरूको साथबाट करिब १ करोड बरामद गरेर अनुसन्धान भइरहेको एसएसपी खत्रीले जानकारी दिए । क्यासिनो प्यालेसको अन्डर ग्राउन्डमा अनलाइन सट्टेबाटी गर्दै गरेका उनीहरूलाई गएराति पक्राउ गरेको हो । खत्रीले पक्राउ परेकाहरूमाथि थप अनुसन्धान भइरहेको बताए ।