नियम नमान्ने खराब बानीले सडक दुर्घटना बढ्दै [ फोटोफिचर ]

२० माघ, काठमाडौं । हामी नेपाली अनि हाम्रो बानी यी दुई शब्दमा हामी नेपाली आफैंमा राम्रो शब्द हो तर हाम्रो बानी भने निकै खराब । शब्द जस्तै नियम नमान्ने खराब बानी ले दिनहुँ जस्तो सडकमा दुर्घटना हुने गर्छ । जथाभाबी बाटो काट्न,  फरक लेनमा हिँड्ने र यस्तै असुरक्षित बानीहरूको कारणले दुर्घटना दिनानुदिन बढ्दो छ ।

हामी दुर्घटना हुँदा मुख्यता सवारी साधनकै गल्ती देखाउने गर्छौ र आफैले नियम मिचेको देख्दैनौ  । समय समयमा ट्राफिक प्रहरी ले सचेतनामुलक कार्यक्रम गरे पनि लागु भने हुन सकेको देखिँदैन । अझ काठमाडौं उपत्यकाको कुरा गर्ने हो भने जथाभाबी सडक काट्ने लाइ जरिवाना लिने गरिए पनि पूर्ण रुपमा कार्यान्वयन हुन भने सकेन ।

नेपालमा सडक दुर्घटनाको कारण धेरै मानिसले  अकालमा ज्यान गुमाउन परेको छ । पैदल यात्रुमैत्री संरचना नबन्नु र पैदल यात्रुले समेत ट्राफिक नियम पालनामा लापरबाही गर्दा दुर्घटना निम्तिने गर्छ ।

देशभर दैनिक ५५ सवारीसाधन दुर्घटनामा पर्छन् । सवारी दुर्घटनामा दैनिक ६ जनाको मृत्यु र १२ जना गम्भीर घाइते हुन्छन् । प्रहरी प्रधान कार्यालयका अनुसार पछिल्लो साढे १५ वर्षमा (०६५/०६६ देखि ०८०/०८१ मंसिरसम्म) देशभर ३ लाख १६ हजार २१२ सवारीसाधन सडक दुर्घटनामा परेको रेकर्ड छ । अर्थात् दैनिक औसत ५५ सवारी दुर्घटना भए । साढे १५ वर्षमा कुल ३२ हजार ८ सय ६१ जनाले सवारी दुर्घटनामा ज्यान गुमाए । ७१ हजार ७ सय ९९ जना गम्भीर घाइते भए ।