धादिङमा लाप्पा खेल्ने नेतालाई ओलीले बोलाए काठमाडौं

२१ माघ, काठमाडौं । नेकपा  एमाले धादिङको जिल्ला अधिवेशनमा नेताहरुबीच कुटकुट भएर विवाद उत्पन्न भएपछि अध्यक्ष केपी शर्मा ओलीले धादिङको अधिवेशनबाट नेताहरुलाई काठमाडौं बोलाएका छन् । विवाद समाधान गर्न प्रदेश इन्चार्ज, अध्यक्ष तथा जिल्ला अध्यक्षसहितका नेताहरुलाई काठमाडौँ बोलाएको एमालेले जाएको छ । 

अध्यक्ष ओलीले ओलीले बागमती प्रदेश इन्चार्ज गुरू बराल, प्रदेश अध्यक्ष कैलाश ढुंगेल, अधिवेशन अध्यक्ष मण्डलका अध्यक्ष धर्मदत्त देवकोटा, एमाले बागमति प्रदेशका सचिव नवराज सिलवाल, जिल्ला अध्यक्ष भूमि त्रिपाठी लगायतका नेताहरुलाई काठमाडौँ बोलाएको बताइएको छ । 
 
एमाले धादिङमा हालका अध्यक्ष भूमि त्रिपाठी र पूर्वप्रदेश सभा सदस्य तथा बागमती प्रदेशका पूर्वराज्य मन्त्री रामकुमार अधिकारीबिच अध्यक्ष को हुने भन्नेमा कुरा नमिल्दा विवाद बढेको बताइएको छ । सोही कारण प्रदेश अध्यक्ष कैलाश ढुंगेलले आइतबार बिहानै अधिवेशन स्थगित भएको विज्ञप्ति जारी गरेका थिए । लगत्तै जिल्ला अध्यक्ष भूमि त्रिपाठीले अर्को विज्ञप्ति जारी गरेर अधिवेशनको बन्दसत्र जारी भएको बताएका थिए ।

अध्यक्ष ढुंगेलले जिल्ला अध्यक्ष भूमिप्रसाद त्रिपाठीले अधिवेशनमा जबरजस्ती प्रस्ताव पेस गर्दै एकलौटी निर्णय भएको घोषणा गर्दा असहज अवस्था सिर्जना भएको विज्ञप्तिमा उल्लेख गरेका छन् । उनले यो अधिवेशनलाई मर्यादित र विधिसम्मत तरिकाले सम्पन्न गर्न सम्भव नदेखिएकोले अर्को सूचना जारी नहुन्जेलसम्मका लागि अधिवेशन स्थगित गरिएको विज्ञप्तिमा उल्लेख गरेका छन् ।

हेरौ विज्ञप्ती