यसरी घट्यो चिलिमे जलविद्युतको नाफा

२२ माघ, काठमाडौं । चिलिमे हाइड्रोपावर कम्पनीको खुद नाफा ५.५१ प्रतिशत घटेर ३७ करोड ९१ लाख ४१ हजार रूपैयाँमा सीमित भएको छ ।

कम्पनीले सार्वजनिक गरेको दोस्रो त्रैमासिक वित्तीय विवरणअनुसार साउनदेखि पुस मसान्तसम्म कम्पनीले उक्त खुद नाफा कमाएको छ ।

गत वर्षको यसै अवधिमा ४० करोड १२ लाख रूपैयाँ ३० हजार रूपैयाँ कमाएको थियो । यसअवधिमा विद्युत बिक्रीबाट हुने आम्दानी घटेकाले खुद नाफा प्रभावित भएको हो । 

कम्पनीले चालु आर्थिक वर्षको दोस्रो त्रैमासमा विद्युत बिक्रीवापत २.०६ प्रतिशतले घछेर ६१ करोड २० लाख रूपैयाँ खुद नाफा कमाएको छ भने अघिल्लो वर्ष यस कम्पनीले ६२ करोड ४८ लाख रूपैयाँ कमाएको थियो ।

त्यस्तै प्लान्ट सञ्चालन खर्च गत आर्थिक वर्षको दोस्रो त्रैमासमा ४ करोड ४४ लाख रूपैयाँ रहेकोमा यो वर्षको सोही अवधिमा बढेर ६ करोड ४० लाख रूपैयाँ पुगेको देखिन्छ । कम्पनीको वार्षिक प्रतिशेयर आम्दानी १ रूपैयाँ ३४ पैसाले घटेर ९ रूपैयाँ ४० पैसामा आएको छ, कम्पनीको प्रतिशेयर नेटवर्थ १३१ रूपैयाँ ८० पैसा छ ।