विश्वकप उद्‍घाटन समारोह हुने मेक्सिकोको स्टेडियम कस्तो छ ?

२२ माघ, काठमाडौं । फिफा विश्वकप २०२६ को उद्घाटन खेल मेक्सिकोले आयोजना गर्ने भएको छ । विश्व फुटबल संघ (फिफा)ले उद्‍घाटन खेलको होस्ट सिटीको रूपमा मेक्सिकोको राजधानी मेक्सिको सिटीलाइ गएराती चयन गरेको हो ।

आयोजक मेक्सिकोले ११ जुन २०२६ मा विश्व कपको सबैभन्दा ठूलो संस्करणको उद्‍घाटनको आयोजना यसै खेल मैदानमा गर्नेछ ।

यो एस्टाडियो एज्टेका, मेक्सिको सिटीमा सन १९७० र १९८६ मा दुई विश्वकपका उद्‍घाटन र फाइनलहरू खेलाइएको छ । जहाँ ब्राजिलियन सुपरस्टार पेले र अर्जेन्टियन सुपरस्टार डिएगो म्याराडोनाले यस स्टेडियममा जादु देखाएका थिए, जुन स्टेडियममा अब अर्को जादु देखिनेवाला छ ।

यस विश्वकपमा खेलिने १०४ खेलहरू मध्ये पहिलो खेल र उद्‍घाटन समारोह यही हुनेछ ।  विश्वकप २०२६ मा कुल १०४ वटा खेल खेलाइने छ । जसमध्ये आयोजक राष्ट्रहरू मेक्सिको, अमेरिका र क्यानडाका १६ स्थानहरूमा खेलाइने फिफाले जनाएको छ ।

स्टेडियमको नामः स्टाडियो एजटेका

स्थानः मेक्सिको सिटी, मेक्सिको

क्षमताः ८३ हजार 

स्थापितः १९६६