कांग्रेसको ‘समुदायमा कांग्रेस’ अभियान स्थगित

२३ माघ, काठमाडौं । नेपाली कांग्रेसले माघ १६ देखि सुरु भएको ‘समुदायमा कांग्रेस’ अभियान स्थगित गरेको छ । कांग्रेस सूचना सञ्चार तथा प्रचार विभाग प्रमुख मीन विश्वकर्माले अभियान स्थगित भएको जानकारी दिए । उनले केही बेरमा सुरु हुने केन्द्रीय समिति बैठकले अभियान स्थगित भएको निर्णय गर्ने बताए । 

केन्द्रीय सदस्य केशवकुमार बुढाथोकीको निधनको शोकमा ‘समुदायमा कांग्रेस’ अभियान भएको हो । यसको औपचारिक निर्णय केन्द्रीय समितिको बैठकले गर्ने छ । समुदायमा कांग्रेस अभियान यही माघ १६ गतेदेखि सुरु भएको थियो । त्यसका लागि माघ १३ गतेदेखि नै सबै जिल्लामा केन्द्रीय प्रतिनिधि  र सातै प्रदेशमा शीर्ष नेताहरू खटाइएको थियो ।
 
फागुन ७, ८ र ९ गते हुने महासमितिको बैठकलगत्तै समुदायमा कांग्रेस अभियान सुरु गर्ने भएकाे छ । तर  बुढाथोकीको निधन भएपछि कांग्रेसले आज बिहान १० बजे पार्टी केन्द्रीय कार्यालय सानेपामा केन्द्रीय कार्यसमितिको आकस्मिक बैठक बोलाएको छ । 

बैठकले बुढाथोकीको निधनमा शोक प्रकट गर्दै एक दिन पार्टीको झण्डा आधा झुकाउने र तीन दिनसम्म कुनै पनि औपचारिक कार्यक्रम नगर्ने परम्पराअनुसार निर्णय गर्ने विश्वकर्माले जानकारी दिए  । पूर्वमन्त्री समेत रहेका बुढाथोकीको गएराति विराटनगरमा उपचारको क्रममा निधन भएको थियो ।